नेपालकैरन
काठमाडौँ । सुन तस्करी मुद्दामा फरार रहेकी रोल्पाकी अमला रोक्कालाई प्रहरीले पक्राउ गरेको छ । तिब्बती मूलका बेल्जियन नागरिक दावा छिरिङकी पत्नीसमेत रहेकी रोक्कालाई प्रहरीको केन्द्रीय अनुसन्धान ब्युरोले पक्राउ गरेको हो ।
रोक्कालाई टोखाबाट नियन्त्रणमा लिइएको ब्युरोका एसएसपी होबीन्द्र बोगटीले जानकारी दिनुभयो । उहाँका अनुसार उरोक्कालाई आइतबार अदालत उपस्थित गराइने छ ।
उहाँ ६१ केजी अवैध सुन तस्करीको मुद्दामा अनुसन्धान शुरु भएपछि फरार हुनुहुन्थ्यो । प्रहरीले अमला रोक्काविरुद्ध इन्टरपोलमार्फत डिफ्युजन नोटिससमेत जारी गरेको थियो । उहाँलाई फरार सूचीमा राखेर प्रहरीले अनुसन्धान अघि बढाएको थियो । सोही अनुसन्धानमा दावा छिरिङ र अन्यलाई प्रतिवादी बनाएर जिल्ला सरकारी वकिल कार्यालय काठमाडौँले जिल्ला अदालत काठमाडौँमा मुद्दा दर्ता गरेको थियो । उक्त मुद्दा अदालतमा विचाराधीन छ ।
अमला काठमाडौंको ठमेलस्थित होटेल भियनाकी सञ्चालक समेत हुनुहुन्छ । उहाँ माओवादी केन्द्र निकट रोल्पा काठमाडौं सम्पर्क मञ्चको पनि पूर्वउपाध्यक्ष हुनुहुन्छ । रोका तत्कालीन उपराष्ट्रपति नन्दबहादुर पुनको घरमा देखिएको र त्यसपछि उहाँ फरार हुनुभएको थियो । उहाँ भागेर भारत पुगेको बताइए पनि प्रहरीले पक्राउ गर्न सकेको थिएन ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- एमालेमा प्रतिनिधिलाई पेलेर सबै प्रतिवेदन पारित भएको घोषणा
- सामाजिक सञ्जाल बन्द गर्ने निर्णयविरुद्ध सर्वोच्च अदालतमा ९ रिट निवेदन दायर
- एमालेको नेतृत्वमा ओलीको विकल्प नभएको प्रतिवेदन पेश
- सामाजिक सञ्जाल बन्दविरुद्ध भोलि जेनजि पुस्ताको प्रदर्शन
- कांग्रेसले अकस्मात् किन बोलायो केन्द्रीय समिति बैठक ?
- एमाले महाधिवेशनमा आज प्रतिवेदनमाथि समूहगत छलफल हुँदै
- एमाले विधान महाधिवेशन : प्रतिनिधिको हातहातमा विद्या भण्डारीको पत्र
- पठनपाठन रोकेर काठमाडौँ ठप्प पार्ने निजी विद्यालयहरूको निर्णय
- एमाले विधान महाधिवेशनको तयारी पूरा
- ४ करोड ९ किलो सुनसहित समातिएका श्रेष्ठलाई राजश्वमा पठाइँदै