दार्चुला। दार्चुलाका एक वडा अध्यक्षले आफ्नै पालिकाका लेखापाललाई ज्यान मार्ने धम्की दिनुभएको छ । ल्लिाको शैल्यशिखर नगरपालिका वडा नम्बर ५ का अध्यक्ष जनकसिंह डाँगाले नगरकार्यपालिकाका आर्थिक प्रशासन शाखा प्रमुख (लेखापाल) विजय बिष्टलाई कार्यालयमै गएर फर्जी बिल भुक्तानी नगरेको भन्दै ज्यानमार्ने धम्की दिनुभएको हो ।
अध्यक्ष डाँगाले लेखापाल बिष्टलाई फर्जी बिलको भुत्तानी नगरेको निहुमा ज्यान मार्ने धम्की दिएको ४ मिनेट ३४ सेकेन्ड अडियो सार्वजनिक भएको छ ।
सो अडियोमा वडाध्यक्ष डाँगाले लेखापाललाई ‘भोलिदेखि शैल्यशिखरको एउटा पनि चेक नकाटियोस् है विजय जी, चेक काट्यो भने मार्दिउँला ,भोलीदेखि त लेखाको काम नगरिस, लेखामा आएर सल्लाह नगर्ने लेखामा आएर काम नगरी हुने हो र म मारि दिउला’ जस्ता शब्द प्रयोग गर्नुभएको छ ।
त्यस्तै, सो अडियोमा लेखापाल बिष्ट भुक्तानीका लागि आएको फायल नियमअनुसार नमिल्ने,फायलमा लिखित रुपमा मैले लेखेको भन्दै हाकिम सरसँग सल्लाह गर्न आग्रह गर्नुभाएको छ । तर,अध्यक्ष डाँगाले, ‘म किन गरुँ हाकीस सरसँग सल्लाह,म कसैलाई पेस गर्दैन,तपाईको उपचार गर्छु अनी पेस गर्छु, तेरो कार्यालयमा वडा नम्बर ५ को अध्यक्षको ताल्चा लाग्छ ।’
यसबारेमा नेपालकैरनले बुझ्न खोज्दा वडाध्यक्ष डाँगाले छोटो प्रतिक्रिया दिँदै अडियोमा त्यस्तो नभएको दाबी गर्नुभएको छ । यता, लेखापाल बिष्टसँग फोन सम्पर्क गर्दा उहाँको फोन अफ छ । अध्यक्ष डाँगा नेकपा एमालेबाट निर्वाचित हुनुहुन्छ ।
(वडा अध्यक्षले दिएको धम्कीको अडियो नेपालकैरनसँग सुरक्षित छ ।)
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- इम्बोस्ड नम्बर प्लेट निर्णयविरुद्ध जागे नेपाली, आन्दोलन घोषणा
- प्रधानमन्त्री र भियतनामका उपराष्ट्रपतिबीच भेटवार्ता
- जसपाले दुई मन्त्रीलाई फिर्ता बोलायो, वीरेन्द्र र रञ्जुलाई पठाउने तयारी
- एमसीसी नेपालको हितमा छैन : पूर्वप्रधानमन्त्री खनाल
- वीरगञ्जमा हैजा फैलियो, विद्यालय २ दिनलाई बन्द
- नागरिकता विधेयक राष्ट्रियसभाबाट सर्वसम्मत पारित
- विद्या लक्षित ओलीको टिप्पणी– कसैको सदस्यता खोसेको छैन
- विद्यालय शिक्षा विधेयक प्रतिवेदन प्रतिनिधिसभामा पेश
- एकीकृत समाजवादीले भदौ ९ गते स्थापना दिवस मनाउने
- भारत - चीन सहमतिप्रति सांसदहरुले जनाए आपत्ति