पर्सा। समाजवादी प्रेस संगठन, नेपालको केन्द्रीय समितिमा केही जिम्मेवारी हेरफेर भएको छ । 

संगठनको शुक्रबार वीरगन्जमा बसेको पदाधिकारी बैठकले विशेष कमिटी चयन गर्दै केहीको जिम्मेवारी फेरेको हो । वैठकले अध्यक्ष विश्वमणि सुवेदीको संयोजकत्वमा विशेष कमिटी बनाएको छ । विशेष कमिटीमा उपाध्यक्ष नवराज छतकुली, महासचिव रामकुमार एलन, कोषाध्यक्ष कृपा भण्डारी, बृजलाल पासवान, जीवन बिसी, नरेन्द्र साउदलाई राखिएको छ । 

विद्यावारीका लागि चीन गएका संगठनका उपाध्यक्ष तेजप्रसाद वाग्लेको राजीनामा स्वीकृत गरिएको संगठनले जनाएको छ । समाजवादी प्रेस संगठनले वाग्ले ठाउँमा एसोसिएट्स/प्रतिष्ठानका सविन शर्मालाई उपाध्यक्ष बनाएको छ ।  संगठनले केन्द्रीय सदस्य हरि जोशी(कैलाली)लाई अनुशासन आयोगको संयोजक तोकेको छ ।  नन्दराम जैसी (जुम्ला) र जीवन हमाललाई सदस्य राखिएको छ ।

वैठकले सहाना प्रधान स्मृति पत्रकारिता पुरस्कार, वीरेन्द्र साह स्मृति पत्रकारिता पुरस्कार र डेकेन्द्रराज थापा स्मृति पत्रकारिता पुरस्कारको नाम अनुमोदन  गरेको छ ।  पत्रकार महासंघको निर्वाचनका क्रममा प्रदेश र जिल्लास्तरका सम्पूर्ण नीति र निर्णय प्रदेश कमिटीको बैठकले तय गरे बमोजिम हुने संगठनले जनाएको छ । 

सुवेदीको अध्यक्षतामा बसेको बैठक, महासचिव  एलनले सञ्चालन गर्नुएको थियो। बैठकमा नेकपा एकीकृत समाजवादी, पर्सा अध्यक्ष बालगोपाल थापा र वीरगन्ज महानगर अध्यक्ष मनोज चौधरीलाई अतिथी बनाइएको थियो ।