बझाङ । नेकपा एमाले बझाङको अध्यक्षमा दिलबहादुर भण्डारी निर्वाचित हुनुभएको छ । भण्डारी प्रतिस्पर्धी कलकबहादुर खड्कालाई ५५ मत अन्तरले हराउँदै जिल्ला अध्यक्ष बन्नुभएको हो । भण्डारी निर्वतमान अध्यक्ष समेत हुुनुहुन्छ ।

जिल्ला अधिवेशनमा भण्डारीले २ सय ८ मत ल्याउनु भएको छ ।  अध्यक्षका अर्को प्रत्यासी खड्काले १५३ मत पाउनुभएको छ । 

शनिबार भएको अधिवेशनबाट जिल्ला उपाध्यक्षमा लालबहादुर बिष्ट निर्वाचित हुनुभएको छ । बिष्ट २ सय १७ मत ल्याएर उपाध्यक्ष निर्वाचित हुँदा प्रयागराज जोशीले १ सय २१ मत पाउनुभएको छ । सचिवमा  २ सय ५ मत ल्याएर नरनबहादुर बोहरा निर्वाचित  हुनुभएको छ ।  उहाँका प्रतिस्पर्धी लोकेन्द्रबहादुर सिंहले १ सय ६९ मत पाउनुभएको छ । 

खुला उपसचिवमा २ सय २३ मत ल्याएर पंकज भण्डारी निर्वाचित भएको छ । उहाँका प्रतिस्पर्धी  दिनेशकुमार नेपालीले १  सय ३७ मत पाउनुभएको छ ।

महिला उपसचिवमा १ सय ६६ मतसहित राधा बिष्ट खत्री निर्वाचित हुनुभएको छ ।  उहाँकी प्रतिस्पर्धी पार्वती कुवर भण्डारीले १ सय ३ र जुना जाग्रीले ६९ मत पाउनुभएको छ । 
विभिन्न  पटक सर्दै आएको एमाले बझाङको अधिवेशन अब भने सम्पन्न भएको छ ।