लमजुङ । लमजुङमा आगलागीमा एकको मृत्यु भएको छ । 

मस्र्याङ्दी गाउँपालिका–४ स्यागेमा बिहीबार राति घरमा आगलागी हुँदा ४४ वर्षीया सन्तमाया श्रेष्ठको मृत्यु भएको प्रहरीले जनाएको छ। मृतक श्रेष्ठका श्रीमान् ४५ वर्षीय राजेन्द्र श्रेष्ठ भने भागेर बाँच्न सफल भएको प्रहरी निरीक्षक थानेश्वर चपाइँले बताउनुभयो । स्थानीय र प्रहरीले आगो नियन्त्रण गर्ने प्रयास गरे पनि घरसमेत जलेर नष्ट भएको उहाँको भर्नाई छ । 

बेँसीसहर नगरपालिका–२ का श्रेष्ठ परिवारले ११ वर्षदेखि त्यस स्थानमा किराना र कपडा पसल सञ्चालन गर्दै आएको थिए । बाहिर फलामको खामोसहित सटर र  जस्तापाताको छानो रहेको घरका समान जलेर नष्ट भएको प्रहरीले जनाएको छ । 

क्षतिको मुचुल्का उठाउने कार्य भइरहेको छ । चारजनाको परिवार रहे पनि श्रीमान् र श्रीमती मात्रै बस्दै आएको र छोराछोरी काठमाडौँमा बस्दै आएका छन् ।