काठमाडौँ । जिल्ला प्रशासन कार्यालयमा नागरिकता लिनेलाई सास्ती हुने गरेको छ । 

जिल्लाभरका   सरकारी, अर्धसरकारी तथा नीजि क्षेत्रबाट समेत भए गरेका ढिलासुस्ती, अनियमितता एवम् गैरक्रियाकलापबारे चेकजाँच गरी आवश्यक कारवाही गर्ने अख्तियारी पनि जिल्ला प्रशासन कार्यालयलाई छ तर जिल्ला प्रशासन कार्यालय आफैमा भने विभिन्न समस्या तथा काम लिएर जाने सेवाग्राहीले  सास्ती व्यहोर्न बाध्य छन् । 

नयाँ नागरिकता शाखाका कर्मचारीले सेवाग्राहीलाई निकै सास्ती दिने गरेका छन् । नागरिकता फाँट अन्तर्गतको झ्याल नम्बर १०२, १०३, १०४ र १०५ मा कार्यरत कुनै पनि कर्मचारी सेवाको भावनाबाट अलिकति पनि ओतप्रोत भएका देखिन्नन् । उनीहरुको बोली र व्यवहार सेवाग्राहीलाई सियोले घोचेजस्तो लाग्छ । यसरी, त्यसरी, जसरी पनि दुखै दिने उनीहरुको नियत बझिनसक्नु छ । त्यसमा पनि १०५ नम्बर झ्यालको कमाण्ड गरेका प्रशासकीय अधिकृत उपेन्द्र शाहको बोली नै छुद्र खालको छ । उहाँको व्यवहारले नागरिकता लिन गएका सेवाग्राही निराश बन्न  बाध्य छन् । 

प्रशासकीय अधिकृत शाह मात्रै होइनन्, झ्याल नम्बर १०२, १०३ र १०४ का कर्मचारीको पनि पनि व्यवहार  उस्तै छ । जिल्ला प्रशासनमा विभिन्न फाँटका कर्मचारीले यसरी, त्यसरी, जसरी सेवाग्राहीमाथि खोट मात्रै देखाउने गरेका छन् ।