काठमाडौँ । आगामी मंसिर १६ गते हुने स्थानीय तहको उपनिर्वाचनमा कीर्तिपुर नगरपालिकाको प्रमुखको पदका लागि सरसफाइ अभियन्ता राजमान मानवले उम्मेदवारी घोषणा गर्नुभएको छ । उहाँलाई धरानका मेयर हर्क साम्पाङको समर्थन रहेको दावि गर्नुभएको छ ।  

नेवाः लहना विश्व सरसफाइ अभियानका संस्थापक राजमान कीर्तिपुर नगरपालिका वडा नम्बर १ का बासिन्दा हुनुहुन्छ । विगतमा एमाले पृष्ठभूमिका मानव हाल कुनै दलमा आवद्ध हुनुहुन्न । सरसफाइ कार्यक्रम मार्फत कीर्तिपुरका सबै बासिन्दाले आफूलाई चिनेको उहाँको दाबी छ । 

मानवलाई धरानका मेयर हर्क साम्पाङले समेत समर्थन गर्नुभएको छ । कीर्तिपुरलाई पार्टीको गढबाट जनताको गढ बनाउन मेयरको उम्मेदवार बन्न लागेको उहाँको भनाइ छ । आगमी निर्बाचनमा सबै दलहरु मिलेर आएपनि आफुले सजिलै पराजित गर्ने उहाँको दाबी छ ।

गत निर्वाचनमा कीर्तिपुरको मेयर पद नेपाली कांग्रेसले जितेको थियो । दोस्रो स्थानमा एमाले र तेस्रो स्थानमा माओवादीका उम्मेदवारले मत ल्याएका थिए ।