कैलाली । धनगढीस्थित खाद्य व्यवस्था तथा व्यापार कम्पनी लिमिटेडले  ३८ लाख रुपैयाँ  मूल्य बराबरको चामल बिक्री गरेको छ । असोज ७ गतेदेखि सञ्चालन गरेको चाडपर्व लक्षित शुपथ मूल्य पसलबाट रकमको चामल बिक्री भएको हो ।

सुदूरपश्चिमका डोटी, डडेल्धुराका एक–एक र कैलालीका दुई स्थानमा सञ्चालित शुपथ मूल्य पसलबाट तीनथरीका पाँच सय ४० क्विन्टल चामल बिक्री भएको कार्यालयका निमित्त प्रमख कल्पना बिष्टले जानकारी दिनुभएको छ । 

डडेल्धुरास्थित गोदामबाट एक सय ५६ क्विन्टल, डोटीको सिलगढीस्थित गोदामबाट दुई सय २६ क्विन्टल, कैलालीको धनगढीस्थित बिक्री कक्षबाट एक सय सात क्विन्टल र धनगढीको मोहनपुर गोदामबाट ४९ क्विन्टल चामल बिक्री भएको उहाँले जानकारी दिनुभयो ।

कम्पनीले सबै प्रकारका चामलमा प्रतिकिलो ५ रुपैयाँ छुट दिएर बिक्री गरिरहेको उहाँले बताउनुभयो । शुपथ मूल्य पसल आगामी माघ २ गतेसम्म सञ्चालनमा रहने तथा दुई हजार क्विन्टल उहाँले जानकारी दिनुभयो ।