दाङ ।  नेपालगञ्जबाट काठमाडौं जाँदै गरेको भे १ ज ३९१२ नम्बरको बस शुक्रबार राति साढे १० बजेतिर राप्ती पुलबाट राप्ती नदीमा खस्दा ५ जनाको घटनास्थलमै मृत्यु भएको प्रहरीले जनाएको छ । अहिले सम्म मृत्यु हुने परिचय खुलेको छैन।

दुर्घटनामा २० भन्दा धेरै यात्रु घाइते भएका छन् । घाइते मध्ये ६ जना सिकिस्त रहेको प्रहरीले जानकारी दिएको छ । 

घाइतेलाई उपचारका लागि राप्ती विज्ञान प्रतिष्ठानमा लगिएको छ। यतिबेला नेपाल प्रहरी, ट्राफिक प्रहरी, सशस्त्र प्रहरी र स्थानीयवासीहरू उद्धारमा खटिएका छन् । अन्य यात्रु पनि च्यापिएको हुनसक्ने प्रहरीले जनाएको छ। रातको समय भएकाले उद्धारमा समस्या भइरहेको इलाका प्रहरी कार्यालय भालुवाङका प्रहरी निरीक्षक उज्वल सिंहले जानकारी दिनुभएको छ । 

दुर्घटना भएको बसमा कतिजना यात्रु थिए भन्ने खुलिसकेको छैन।  बस चालकलाई प्रहरीले नियन्त्रणमा लिएको ईलाका प्रहरी कार्यालय भालुवाङले जनाएको छ ।