काठमाडौँ । सहकारीको रकम हिनामिना छानविन समितिको कार्यादेश टुङ्गो लगाउन कार्यदलको बैठक बसेको छ ।  कानुन, न्याय तथा संसदीय मामिला मन्त्रालयमा मंगलबार बसेको कार्यदलको बैठक अझै जारी छ ।

संसदमा प्रतिनिधित्व गरेका राजनीतिक दलका शीर्ष नेताहरूको गएको शनिबारको बैठकले संसदीय छानविन समिति बनाउने सहमति गर्दै त्यसको कार्यादेश टुङ्गो लगाउन कानुन, न्याय तथा संसदीय मामिलामन्त्री पदम गिरीको संयोजकत्वमा चार सदस्यीय कार्यदल गठन गरेको थियो । बैठकमा सबै सदस्य सहभागी हुनुहुन्छ । 

कार्यदलका अन्य सदस्यमा नेपाल कम्युनिष्ट पार्टी (एमाले)का प्रमुख सचेतक महेश बर्तौला, नेपाली कांग्रेसका सहमहामन्त्री जीवन परियार र राष्ट्रिय स्वतन्त्र पार्टीका सांसद शिशिर खनाल हुनुहुन्छ । कांग्रेसका तर्फबाट सांसद ज्ञानेन्द्रबहादुर कार्की पनि बैठकमा सहभागी हुनुहुन्छ ।