नेपालगञ्ज । नेपाल कम्युनिष्ट पार्टी (एमाले) बाँकेको अध्यक्षमा नीरक गुरुङ विजयी हुनुभएको छ । 

नयाँ कार्यसमितिका लागि आइतबार भएको निर्वाचनको आज विहान सार्वजनिक मतपरिणामअनुसार गुरुङ २ सय ९१ मत प्राप्त गरी अध्यक्षमा निर्वाचित हुनुभएको हो । उहाँका प्रत्यासी डिल्ली बिसीले १ सय ५४ मत पाउनुभएको छ । 

शुक्रबारदेखि चलेको नवौँ अधिवेशनमा सर्वसम्मत चयनको प्रयास गरे पनि सहमति नहुँदा निर्वाचन भएको थियो । कार्यसमितिको उपाध्यक्षमा रत्न खत्री विजयी हुनुभएको छ । उहाँले ३ सय १३ मत प्राप्त गर्नुभएको छ । उहाँ लुम्बिनी प्रदेश सरकारको सामाजिक विकासमन्त्रीस मेत हुनुहुन्छ । 

सचिवमा बलराम भट्टराईले  १ सय ३९ मत प्राप्त गरी विजयी हुनुभएको छ ।  उपसचिवमा महिलातर्फ निर्मला सुनार र खुलातर्फ किशोर थापा निर्वाचित हुनुभएको प्रमुख निर्वाचन अधिकृत सुनिता शर्माले जानकारी दिनुभएको छ । कूल चार सय ६६ मतदाता रहेकोमा चार सय ५८ मत खसेको थियो ।