काठमाडौँ । प्रतिनिधिसभाको बैठक सरेको सर्‍यै छ । 

आइतबारको बैठक विभिन्न सहकारीको रकम हिनामिना छानविनको लागि बनाउने भनिएको संसदीय समितिको कार्यादेश टुङ्गो नलाग्ला सरेको सर्‍यै भएको हो । आइतबार शुरुमा बिहान ११ बजेको लागि तोकिएको बैठक सारेर दिउँसो २ बजेलाई पुर्यायएको थियो । अहिले फेरि त्यस अझै धकेलेर अपरान्ह साढे ४ बजेसम्म लगिएको  छ । 

आज बिहान ११ बजे बस्नेगरी तय भएको बैठक २ बजेका लागि सारिएकामा फेरि  साढे ४ बजेका लागि निर्धारण गरिएको संसदका महासचिव पद्यप्रसाद पाण्डेयले जानकारी दिनुभएको छ । 

प्रमुख प्रतिपक्ष दल नेपाली कांग्रेसले संसद्मा उठाउँदै आएको सहकारी संस्थाको रकम हिनामिना सम्बन्धमा संसदीय छानविन समिति गठन गर्नेबारे दल सहमत भएपनि समितिको कार्यादेश टुङ्गो लाग्न सकेको छैन । छानविन समितिको कार्यादेशबारे अहिले पनि दल छलफलमै छन् ।