कैलाली । सुदूरपश्चिमका प्रदेश प्रमुख नाजिर मियाँले मुख्यमन्त्रीका लागि परेका दुवै दाबी अस्वीकृत गर्नुभएको छ । प्रदेश प्रमुख नजिर मियाले दुवै जनाको दाबी नपुगेको भन्दै पुनः २ दिनको समय दिएर फेरि दाबी पेस गर्न दलहरूलाई आह्वान गर्नुभएको हो । 

सुदूरपश्चिमको मुख्यमन्त्रीमा  नागरिक उन्मुक्ति पार्टीको रेशम चौधरी समुहका लक्ष्मण किशोर चौधरी र नाउपाकै रञ्जिता चौधरी समुहका कैलाश चौधरीले मुख्यमन्त्रीमा दाबी पेस गर्नुभएको थियो । 

प्रदेश प्रमुख मियाँले नेपालको संविधानको धारा १६८ को उपधारा (२) बमोजिम सुदूरपश्चिम प्रदेशको प्रदेश सभामा प्रतिनिधित्व गर्ने दुई वा दुई भन्दा बढी दलहरूको समर्थनमा बहुमत प्राप्त गर्न सक्ने प्रदेश सभा सदस्यलाई सुदूरपश्चिम प्रदेशको मुख्यमन्त्री नियुक्त गर्नका लागि स्पष्ट दाबीसहित वैशाख ६ गते बेलुका ५ः०० बजे सम्मको समय दिनुभएको छ ।