नेपालकैरन
काठमाडौँ । आईसीसी विश्वकप लिग २ क्रिकेट अन्तर्गत आजको खेलमा नामिबियाले जितका लागि नेदरल्यान्ड्सलाई जम्मा १२४ रनको सामान्य लक्ष्य दिएको छ । नेदरल्यान्ड्सका स्पिनर आर्यन दत्तले कीर्तिमानी ६ विकेट लिएपछि नामिबिया १२३ रनमा समेटिएको हो ।
त्रिवि क्रिकेट मैदानमा टस हारेर पहिला ब्याटिङको निम्तो पाएको नामिबिया ३५.१ ओभरमा १२३ रनमा अल आउट भयो । नामिबियाका जेजे स्मिथले ४६ बलमा १ चौका र २ छक्कासहित सर्वाधिक २६ जोडे भने रुवेन ट्रम्पलम्यानले २० रन बनाए ।
निकोलस डेभिन र जेराल्ड इरास्मस १३-१३ रनमा आउट भए ।
लेग स्पिनर आर्यन दत्तले त्रिवि मैदानको विहानको अबस्थाको भरपुर फाइदा उठाए । उनले नवौं ओभरको दोस्रो बलमा माइकल भान लिंगेनलाई ४ रनमा एलबीडब्लू आउट गरे । अन्तिम बलमा जेपी कोट्जीलाई ५ रनमा बोल्ड गरे ।
११ औं ओभरको तेस्रो बलमा जेन फ्रेलिंकलाई शून्यमा एलबीडब्लू आउट गरे । जेराल्ड इरास्मसलाई १३ रनमा क्याच र जान निकोल लोफ्टीलाई शून्यमा बोल्ड गरेका थिए । एक समय ७.२ ओभरमा २०–० को अवस्थामा पुगेको नामिबिया १३ ओभरमा ४४–६ को दयनीय अवस्थामा पुगेको थियो ।
सातौं विकेटका लागि जेन ग्रीन र जेजे स्मिथले ३० रनको साझेदारी गरेका थिए । ग्रीन १९ रनमा क्रसबाट क्याच आउट भएपछि अर्यानले कीर्तिमानी ६ विकेट पूरा गरेका थिए । उनी नेदरल्यान्ड्सबाट ओडीआईमा ६ विकेट लिने पहिलो खेलाडी हुन् ।
नेदरल्यान्ड्स पहिलो खेलमा नेपालसँग ९ विकेटले पराजित भएको थियो । आर्यन दत्तले ३ ओभरमा ४४ रन खर्चिदै खराब प्रदर्शन गरेका थिए । तर आज ६ विकेट लिंदै कीर्तिमान बनाएका हुन् ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- पार्टीको सदस्यता त्याग्न शिक्षकहरूलाई पूर्व शिक्षामन्त्री सुमनाको आग्रह
- लिङ्देनको अभिव्यक्ति रेकर्डबाट हटाउन कांग्रेसको माग
- कांग्रेसका महामन्त्री थापाविरुद्ध अदालतको अवहेलना मुद्दा दर्ता
- आन्दोलनमा सरकारले घुसपैठ गरायो : महासंघ
- मेरो बेडरुमसम्म बिचौलियाको पहुँच छ भन्नेहरुले प्रमाणित गर्न सक्छन् ? : प्रधानमन्त्री
- सप्तरीमा बस दुर्घटना, २ जनाको मृत्यु
- आवासीय चिकित्सकद्वारा सबै अस्पतालका ओपिडी सेवा ठप्प
- आमाको मृत्यु, शल्यक्रिया गरेर निकालिएको शिशुको अवस्था सामान्य
- सात दिनभित्र दर्ता नभए मेटालाई नेपालमा प्रतिबन्ध
- सरकार परिवर्तनका हल्ला मनोरञ्जनका लागि मात्रै : परराष्ट्रमन्त्री राणा