काठमाडौँ । चार दल सम्मिलित समाजवादी मोर्चाको संयोजकमा नेकपाका महासचिव नेत्रविक्रम चन्द ‘विप्लव’ चयन हुनुभएको छ । चार-चार महिनामा परिवर्तन हुने भनिए पनि आठ महिनापछि मोर्चाको नेतृत्व फेरिएको हो ।

बालुवाटारस्थित प्रधानमन्त्री निवासमा आइतबार बसेको बैठकले मोर्चाको संयोजकको जिम्मेवारी नेकपाका महासचिव चन्दलाई दिएको हो । यसअघि नेकपा एकीकृत समाजवादीका अध्यक्ष माधवकुमार नेपाल मोर्चाको संयोजक हुनुहुन्थ्यो ।

बैठकले सबै जिल्लामा संयोजन समिति बनाउने र मुख्य-मुख्य शहरमा जनपरिचालन गर्ने निर्णय गरे पनि कहिले र कसरी गर्ने ? भन्ने विषयको टुंगो लगाएको छैन । मोर्चाको आगामी बैठकले यसको टुंगो लगाउने बताइएको छ ।

आजको बैठकमा मोर्चालाई प्रभावकारी ढंगबाट अगाडि बढाउने विषयमा छलफल भएको थियो । आजको बैठकमा जनता समाजवादीका अध्यक्ष उपेन्द्र यादव भने अनुपस्थित हुनुहुन्थ्यो ।