काठमाडौँ । नेपाली ‘ए’ र क्यानडा–११ बीचको तीन खेलको एकदिवसीय शृङ्खलाको पहिलो खेल आज हुँदैछ । मूलपानीस्थित क्रिकेट मैदामा संचालनहुने खेल विहान ९ः३० बाट शुरु हुनेछ । 


नेपाल क्रिकेट संघ (क्यान)ले गत बुधबार विनोद भण्डारीको कप्तानीमा नेपालको  ‘ए’ टिम घोषणा गरेको थियो । नेपाल ‘ए’ टिममा प्रधानमन्त्री कप पुरुष राष्ट्रिय क्रिकेट प्रतियोगिता र यू–१९ विश्वकप खेलेका खेलाडीलाई समावेश गरेको छ । 

क्यानले टिमको प्रशिक्षकमा पूर्व कप्तान ज्ञानेन्द्र मल्ल र कलाम अलीलाई नियुक्त गरेको छ ।
 

क्यानले आजको खेल हेर्ने दर्शकहरुका लागि निःशुल्क प्रवेसको व्यवस्था गरेको छ । 

तीन खेलको श्रृंखलाको दोस्रो खेल फागुन ८ गते मंगलबार र तेस्रो खेल फागुन १० गते बिहीबार हुने छ ।

नेपाल ‘ए’ टिम
विनोद भण्डारी (कप्तान), प्रतिश जी.सी, आशुतोष घिरैया, रसिद खान, अर्जुन कुमाल, रिजन ढकाल, बशीर अहमद, सागर ढकाल, विवेक यादव, शाहब आलम, हेमन्त धामी, सन्दीप जोरा, किरण ठगुन्ना, शेर मल्ल, मायान यादव, सुजन थपलिया ।

यो पनि ...

नेपाल ‘ए’ र क्यानडा–११ बीचको तीन खेलको श्रृंखला आइतबारदेखि