
झापा । दमक नगरपालिका–३ बेलडाँगीस्थित भुटानी शरणार्थी शिविरमा बस्ने एक व्यक्ति शिशु हत्या आरोपमा पक्राउ परेका छन् । शिविरको सेक्टर सी ४ हट नम्बर ४३२ बस्दै आएका ५० वर्षीय पञ्जवीर घिसिङ शिशु हत्या आरोपमा पक्राउ परेका हुन् ।
घिसिङलाई उनकै घरमा आश्रय लिएर बसेकी २५ वर्षीया महिलाको ८ महिनाको शिशु एरित ओलीको हत्या आरोपमा पक्राउ गरिएको झापाका प्रहरी प्रमुख एसपी दुर्गाराज रेग्मीले जानकारी दिनुभएको छ ।
प्रहरी प्रमुख रेग्मीका अनुसार एरित धेरै रोएको भन्दै घिसिङले झापड हानेका थिए । एरित त्यसपछि पनि नछाडेको कारण घिसिङले उनलाई पछारे । घिसिङले पछारेपछि एरित घाइते भए । त्यसपछि शिशुलाई तत्काल उद्दार गरेर दमक अस्पताल पुर्याएको थियो । त्यहाँ उपचार सम्भव नभएपछि शिशुलाई किओच बाल अस्पताल दमक लगिएको थियो । तर उपचारका क्रममा शिशुको मृत्यु भयो । शिशुको मृत्यु भएपछि प्रहरीले घिसिङलाई पक्राउ गरेको हो ।
घटना भएको बेला घिसिङले मादक पदार्थ सेवन गरेको पाइएको प्रहरीले जनाएको छ । प्रह।रीका अनुसार घटना अनुसन्धान तथा सोधपुछका लागि शिशुकी आमालाई समेत नियन्त्रणमा लिइएको छ ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबैताजा उपडेट
- इजरायलबाट स्वदेश फर्कन चाहने ८ सय ८५ नेपालीको विवरण संकलन
- मलेखु-मुग्लिन सडकखण्ड आजबाट राति बन्द नहुने
- इरानद्वारा तत्काल सुरक्षा परिषदको आपतकालीन बैठकको माग
- सभामुख घिमिरे र सांसद सिंहबीच नोकझोक, रेष्टमबाटै भनाभन
- सिङ्गापुरविरुद्ध नेपालको शानदार जित
- फेरी भाँचियो तामाकोसीमा निर्माणाधिन पक्की पुल
- सुनको मूल्य बढ्यो, चाँदी घट्यो
- प्रतिनिधिसभा बैठकमा रास्वपाद्वारा आज पनि वेल घेराउ र नाराबाजी
- वर्ल्डलिङ्कका सीईओलाई प्रश्न : ‘फ्रि वाईफाईको खेलमा गैरकानुनी झेल’ गर्ने अधिकार कसले दियो ?
- रास्वपाद्वारा संसदबैठक बहिस्कार, प्रधानमन्त्रीसँग प्रश्नोत्तर कार्यक्रम हट्यो