काठमाडौँ । नेपाल कम्युनिष्ट पार्टी (एमाले) का महासचिव शङ्कर पोखरेलले काठमाडौँस्थित ट्रमा सेन्टरमा तिघ्रा र हातको स्वास्थ्य जाँच गराउनुभएको छ । 

शनिबार दैलेखमा सवारी दुर्घटनामा पर्नुभएका एमाले  महासचिव पोखरेलले आइतबार ट्रमा सेन्टरमा स्वास्थ्य जाँच गराउनुभएको हो । सुर्खेतबाट दैलेख कार्यक्रममा सहभागी हुन जाने क्रममा महासचिव पोखरेल सवार गाडी सडकमा पल्टिँदा उहाँ सामान्य घाइते हुनुभएको एमाले केन्द्रीय कार्यालय सचिव डा भीष्म अधिकारीले जानकारी दिनुभएको छ । ‘उहाँ आज ट्रमा सेन्टरमा गइ उहाँको स्वास्थ्य जाँच गर्दा सामान्य चोटपटक मात्रै देखिएको छ’ उहाँले भन्नुभयो– ‘उहाँको तिघ्रा र हातमा समान्य चोट लागेको छ । भिडियो एक्सरे गरेर हेर्दा कुनै त्यस्ता खतरा छैन ।’

महासचिव पोखरेलले आजै सुर्खेतबाट काठमाडौँ आउनु भएको हो । जिल्ला अधिवेशन उद्घाटन गर्न दैलेख जान लाग्दा दैलेखको डुङेश्वर गाउँपालिका–१ चुप्रा नजिकै उहाँ सवार गाडी सडकमा पल्टेको हो । गाडीमा एमाले महासचिव पोखरेलसहित केन्द्रीय सदस्य दीपा शर्मा कर्णाली प्रदेश कमिटी सचिव धुव्र शाही पनि हुनुहुन्थ्यो । 

गाडीमा रहनुभएका कर्णाली प्रदेशका उपसचिव पद्मा खड्काको हातमा चोट लागेको एमालेका केन्द्रीय सदस्य विष्णु रिजालले जानकारी दिनुभएको छ