नेपालकैरन
काठमाडौँ । नेपाल र क्यानडाबीच जारी तीन दिवसीय क्रिकेट श्रृंखलाको दोस्रो खेल शनिबार त्रिवि अन्तराष्ट्रिय क्रिकेट मैदान कीर्तिपुरमा हुदै छ । श्रृंखलाको पहिलो खेलमा ७ रनको रोमाञ्चक जित निकालेको नेपाली टीम दोस्रो खेलमा पनि जितलाई निरन्तरता दिने उदेश्यका साथ मैदानमा उत्रर्नेछ ।
आइसिसी विश्वकप क्रिकेट लिग–२ को शृङ्खला सुरु हुनअघि नेपाल र क्यानडाले तयारीस्वरुप तीन खेलको शृङ्खला खेल्न लागेका हुन् ।
नेपाल र क्यानडाबीचको शनिबारको बिहान ९ः१५ बजेबाट शुरु हुनेछ।
क्यानडा एकदिवसीय शृङ्खला खेल्न पहिलोपटक नेपाल आएको हो। नेपाल र क्यानडाबीच पहिलोपटक एकदिवसीय मान्यताप्राप्त शृङ्खला हुन लागेको हो। २ वर्ष अगाडि नेपालले क्यानडाको भ्रमण गरेको थियो। यद्यपि त्यो समय क्यानडाको एकदिवसीय मान्यता गुमिसकेको थियो। गत वर्ष क्यानडाले पुनः एकदिवसीय मान्यता प्राप्त गरेको थियो ।
क्यानडाविरुद्धको शृङ्खलाका लागि नेपाली टिममा नयाँ अनुहारलाई प्राथमिकता दिइएको छ। हालै यू–१९ विश्वकपमा राम्रो प्रदर्शन गरेका तीव्र गतिका बलर आकाश चन्दले क्यानडाविरुद्धको शृङ्खलामा मौका पाएका छन् । यस्तै, प्रधानमन्त्री कपमा राम्रो प्रदर्शन गरेका बलहरु रिजन ढकाल र सूर्य तामाङसहित हेमन्त धामीलाई पनि समावेश गरिएको छ। यद्यपी क्यानडाविरुद्धको पहिलो शृङ्खलामा आकाश चन्द र हेमन्त धामी बेञ्चमा बसेका थिए । रिजन ढकाल र सूर्य तामाङले भने क्यानडाविद्धको पहिलो एकदिवसीय श्रंखलामा डेब्यु गरेका थिए ।
बिहिवार सम्पन्न पहिलो खेलमा कप्तान रोहित पौडेल एक्लैले चार विकेट लिएपछि नेपालले क्यानडाविरुद्ध ७ रनको रोमाञ्चक जित हासिल गरेको थियो ।
टस हारेर पहिले बलिङ गरेको पाहुना टोलीले नेपाललाई २२४ को सामान्य योगफलमा समेटेको थियो । नेपालले प्रस्तुत गरेको २ सय २५ रनको सामान्य लक्ष्य पछ्याएको क्यानडा ४७.५ ओभरमा सबै विकेट गुमाउँदै २ सय १७ रनमा सीमित भयो ।
क्यानडाका लागि निकोलस कीर्तनले ९९ बलमा ७ चौकाको मद्दतमा ६८ रन बनाए भने पर्गत सिंहले ५० र हर्श थाकरले ३२ रनको योगदान दिए । तर अन्य खेलाडीले उल्लेख्य योगदान गर्न नसक्दा पहिलो खेलमा नेपाल बिजयी भएको थियो ।
नेपालका लागि कप्तान पौडेल एक्लैले चार र ललित राजबंशीले दुई विकेट लिए । त्यसैगरी सोमपाल कामी, रिजन ढकाल, पवन शर्राफ र कुशल मल्लले समान एक-एक विकेट लिए ।
जितसँगै नेपाल तीन खेलको शृङ्खलामा १–० को अग्रता बनाएको छ ।
नेपाल र क्यानडाबीच अन्तिम खेल सोमबार हुनेछ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- पार्टीको सदस्यता त्याग्न शिक्षकहरूलाई पूर्व शिक्षामन्त्री सुमनाको आग्रह
- लिङ्देनको अभिव्यक्ति रेकर्डबाट हटाउन कांग्रेसको माग
- कांग्रेसका महामन्त्री थापाविरुद्ध अदालतको अवहेलना मुद्दा दर्ता
- आन्दोलनमा सरकारले घुसपैठ गरायो : महासंघ
- मेरो बेडरुमसम्म बिचौलियाको पहुँच छ भन्नेहरुले प्रमाणित गर्न सक्छन् ? : प्रधानमन्त्री
- सप्तरीमा बस दुर्घटना, २ जनाको मृत्यु
- आवासीय चिकित्सकद्वारा सबै अस्पतालका ओपिडी सेवा ठप्प
- आमाको मृत्यु, शल्यक्रिया गरेर निकालिएको शिशुको अवस्था सामान्य
- सात दिनभित्र दर्ता नभए मेटालाई नेपालमा प्रतिबन्ध
- सरकार परिवर्तनका हल्ला मनोरञ्जनका लागि मात्रै : परराष्ट्रमन्त्री राणा