काठमाडौँ । सयुक्त राज्य अमेरिकाका दक्षिण तथा मध्य एसिया हेर्ने सहायक विदेशमन्त्री डोनाल्ड लु आज नेपाल भ्रमणमा आउनुभएको छ । आफ्नो दक्षिण एशिया भ्रमणका क्रममा उहाँले नेपाल सरकारका नेतृत्वकर्ताहरूसँग  भेटघाट र नागरिक समाजसँग कुराकानी गर्नुहुने यहाँस्थित अमेरिकी दूतावासले जनाएको छ । 

अमेरिकाका दक्षिण तथा मध्य एशियाली मामिलासम्बन्धी सहायक विदेशमन्त्री लुले नेपालको औपचारिक भ्रमणमा आउनुभएको हो । नेपालमा पछिल्लो समय मेरिकी सहयोग परियोजना मिलेनियम च्यालेन्ज कम्प्याक्ट )एमसीसी) कार्यान्वयन र चीनको महत्वकाँक्षी परियोजना वेल्ट एन्ड रोड इनिसिएटिभ (बिआरआई) अगाडि बढाउन सम्झौता हुने क्रममा छ । 

प्रधानमन्त्री केपी शर्मा ओली  चीन भ्रमण सकेर स्वदेश फर्कनु भएको छ ।  प्रधानमन्त्री ओलीको  चीन भ्रमणमा बिआरआईको फ्रेमवर्कबारे सम्झौता भएको छ । आर्थिक रुपमा विश्वको शक्तिशाली राष्ट्र बन्ने होडबाजीको कारण पछिल्ले समय चीन र अमेरिकाले कुटनीतिक ढंगले टक्कर गरिरहेका छन् । यही परिस्थितिमा नेपालमा एमसीसी र बिआरआई परियोजना भित्रिएको हो । एमसीसी अमेरिकी स्वार्थ अनुसार भित्रिएको हो, त्यस्त्रै ९बिआरआईमा पनि चीनको आफ्नै लक्ष्य छ । 

यी दुवै परियोजना एकले अर्कालाई अस्वीकार गर्ने ढंगले अगाडि बढिरहेका छन् । नेपालको राजनीतिमा पछिल्लो समय यी दुई परियोजनाको प्रभाव र असर देखिएको छ । नेपालले  एमसीसी अगाडि बढाउन खोज्दा चीनले त्यसलाई रोक्न कुटनीतिक तवरले दबाब दिने गरेको र बिआरआई अगाडि बढाउन खोज्दा अमेरिकाले यसलाई रोक्न कुटनीतिक रुपमा अनेक उपाय अवलम्बन गर्ने गरेको तथ्य प्रष्टै देखिन थालेको छ ।

 यहीपरिप्रक्ष्यमा अमेरिकी सहायक विदेशमन्त्री लुको नेपाल भ्रमण भएको हो  हो ।  लुको यो पहिलो पटक नेपाल भ्रमण होइन । उहाँ  एमसीसी प्रकरणमा  यसअघि पनि विभिन्न पटक नेपाल आइसक्नु भएको छ ।