बाँके । बाँकेमा बैजनाथ दोश्रो उपप्रमुख कप बुधबारदेखि शुरु भएको छ । बैजनाथ गाउँपालिका स्तरीय खेलकुद विकास समितिको आयोजनामा दोश्रो उपप्रमुख कप तथा जिल्ला स्तरीय राष्ट्रपति रनिङशिल्ड छनौट प्रतियोगिता गरिएको हो । 

स्थानीय तह स्तरमा भएका प्रतियोगितामा उत्कृष्ट भएका विद्यालय तथा विद्यार्थीको सहभागितामा राष्ट्रपति रनिङ शिल्डको जिल्ला स्तरीय प्रतियोगिता गरिएको हो । माघ ३ गतेदेखि ६ गतेसम्म खेलकुद संचालन हुने प्रतियोगितामा  बैजनाथका निजि र सामुदायिक ४२ विद्यालयबाट १ हजार ५ सय विद्यार्थी सहभागी हुने खेलकुद विकास समिति सदस्य नवराज रावलले बताउनुभएको छ  । 

प्रतियोगितामा एथलेटिक्स, भलिबल,कबड्डी र मार्सल आर्टतर्फ कराते र ट्याक्वान्दो विधामा खेल खेलाइने मूल आयोजक समिति संयोजक बैजनाथ खेलकुद विकास समिति संयोजक महावीर थारुले जानकारी दिनुभएको छ । निजी तथा सामुदायिक विद्यालय गरी  ४२ विद्यालय सहभागी भएका छन् । सामुदायिक विद्यालय आधारभुत लाई खेलकुद प्रतियोगितामा सहभागीतामा व्यवस्थापन खर्च वापत  २० हजार रुपैयाँ  र माध्यमिक विद्यालयलाई व्यवस्थापन खर्च वापत  ३५ हजार रुपैयँँ बैजनाथ स्थानीय सरकारले विद्यालयलाई प्रदान गरिने खेलकुद  सचिवालय संयोजक सुरेन्द्र दाहालले बताउनुभयो ।  

प्रतियोगिता माघ ३,४,५,६ गतेसम्म बैजनाथ गाउँपालिका ६ लालपुरमा संचालन हुनेछ । जिल्ला स्तरीय खेल प्रतियोगितामा प्रथम हुन सफल खेलाडीहरु प्रदेश स्तरीय प्रतियोगितामा भाग लिन पाउने खेलकुद समितिले जनाएको छ।