पोखरा । ज्यानमार्ने उद्योग मुद्दामा दोषी ठहर भएका दीपक मनाङे भनेर चिनिने गण्डकी प्रदेशसभा सदस्य राजीव गुरुङले अदालतमा आँफै उपस्थित हुने बताएका छन् 

मनाङेले शुक्रबार प्रेस विज्ञप्ति जारी गर्दै आफूले अहिलेसम्म सर्वोच्चको फैसला प्राप्त नगरेको र प्राप्त हुना साथ अदालतमा उपस्थित हुने बताएका हुन् । ‘सर्वोच्चबाट फैसलाको पूर्णपाठ लिखित रुपमा प्राप्त भएपछि अदालतमा आँफै उपस्थित हुने छु’ मनाङेले जारी गरेको विज्ञप्ति  उल्लेख गरिएको छ । 

मनाङबाट प्रदेशसभा सदस्यमा निर्विरोध भएर गण्डकीमा विभिन्न पटक मन्त्री समेत बनेका दीपकलाई सर्वोच्च अदालतले ज्यान मार्ने उद्योगमा दोषी ठहर गरेको हो ।

उच्च अदालत पाटनले मनाङेलाई २०७८ सालमा ५ वर्ष कैद सजाय सुनाएको थियो । २०६१ सालमा चक्रे मिलनमाथि आक्रमण गरेको आरोपमा दीपक मनाङेसहित उनको समूहका युवालाई ज्यान मार्ने उद्योगमा मुद्दा चलेको थियो ।  मनाङेलाई अदालत त्यही मुद्दामा दोषी ठहर गरेको हो । अदालतले मनाङेलाई ५ वर्षको कैद सजाय तोकेको छ ।