काठमाडौँ । आइसिसी यू-१९ विश्वकप क्रिकेटको तायारी स्वरुप औपचारिक अभ्यास खेलमा स्कटल्यान्डमाथि नेपालले शानदार जित निकालेको छ ।दक्षिण अफ्रिकाको जोहननेसबर्गमा नेपालले स्कटल्यान्डलाई डिएलएस मेथडमा ७ विकेटले पराजित गरेको हो ।

यसअघि टस जितेर पहिला ब्याटिङ गरेको स्कटल्यान्ड ११४ रनमै समेटिएको थियो । स्कटल्यान्डलाइ सस्तैमा समेट्का लागि नेपालका गुलशन झा र तिलक भण्डारीले समान ३-३ विकेट लिएका थिए ।

जितका लागि १ सय १५ रनको सामान्य लक्ष्य पछ्याएको नेपालले २९.१ ओभरमा तीन विकेटको क्षतिमा ९९ रन बनाउँदा खेल बर्षले अवरुद्ध भयो । लगातार बर्षाका कारण खेल अवरुद्ध भएपछि डिएलएस मेथडमा नेपाल ७ विकेटले बिजयी भयो । 

ब्याटिङतर्फ नेपालका अर्जुन कुमालले ६० बलको सामना गर्दै ३३ रन जोडे भने आकास त्रिपाठीले ७३ बलमा २९ रनको योगदान दिए । 

नेपालले यसअघि भएको अनौपचारिक अभ्यास खेलमा पनि स्कटल्यान्डलाई १ सय ३५ रनले पराजित गरेको थियो ।

नेपालले दोस्रो औपचारिक वेस्ट इन्डिजसँग आगमी मंगलबार खेल्नेछ ।