काठमाडौँ। सर्वोच्च अदालतको न्यायाधीशमा नृपध्वज निरौला र नित्यानन्द पाण्डेय प्रस्तावित हुनुभएको छ । 

न्यायपरिषदको शुक्रबारको बैठकले पाटनका मुख्य न्यायाधीश निरौला र  उच्च अदालत तुलसीपुरका न्यायाधीश  पाण्डेयलाई सर्वोच्चको लागि सिफारिस गरेको हो । निरौला र पाण्डेय अब संसदीय सुनुवाई समितिबाट अनुमोदित भए सर्वोच्चको न्यायधीश बन्नु हुनेछ । सर्वोच्चको न्यायधीश बने निरौला छोटो समयका लागि प्रधानन्यायाधीश समेत बन्नु हुनेछ। 

सर्वोच्चका अहिले रहेका न्यायधीशहरुको रोलक्रम अनुसार २०९३ पुस ६ गते टेकप्रसाद ढुंगाना प्रधानन्यायाधीशबाट अवकाश भए निरौला पुगनपुग २ महिना प्रधानन्यायाधीश बन्नु हुनेछ ।  निरौला सर्वोच्च अदालतका तेस्रा मुख्यरजिष्ट्रार हुनुहुन्छ । उहाँ मुख्यरजिष्ट्रारबाटै उच्च अदालतको मुख्यन्यायाधीशमा नियुक्त हुनु भएको हो । 

सर्वोच्चको न्यायधीशमा सिफारिस हुनुभएका पाण्डेय गएको मंसिरमा उच्च अदालतको मुख्य न्यायाधीश बन्नुभएको हो ।