काठमाडौँ । भौतिक पूर्वाधार तथा यातायातमन्त्री देवेन्द्र दाहाल र वरिष्ठ कलाकार हरिवंश आचार्यबीच  छलफल भएको छ । 

उहाँहरुबीच आज सिंहदरबारस्थित मन्त्रालयमा छलफल भएको हो । उहाँहरुबीच विकास निर्माण र सरकारका कामलाई कसरी जनमुखी तथा प्रभावकारी बनाउन सकिन्छ भन्ने बारेमा छलफल भएको मन्त्री दाहालको सचिवालयले जनाएको छ । 

छलफलमा वरिष्ठ कलाकार आचार्यले नेपालमा भइरहने सरकार परिवर्तन र अस्थिर राजनीतिका कारण नागरिक निराश हुने गरेको बताउनुभयो । दिगो र स्थायी सरकारले मात्र नागरिकका निराशा चिर्न सक्ने उहाँको भनाइ छ । 

छलफलमा वरिष्ठ कलाकार आचार्यले पनौती–नमोबुद्ध–दाप्चा सडक निर्माणका लागि आवश्यक बजेटको व्यस्था गरिदिन मन्त्री दाहाललाई आग्रह गर्नुभयो । मन्त्री दाहालले आवश्यकताका आधारमा स्रोत व्यवस्थापन गर्ने आफूले प्राथमिकता दिएको बताउनुभयो ।