काठमाडौँ । विश्वकप लिग-२ अन्तर्गत आजको खेलमा नेपालले क्यानडाविरुद्ध टस जितेर नेपालले पहिला बलिङ गर्ने निर्णय गरेको छ । नेपाल र क्यानडाबीचको खेल क्यानडाको किंग्स सिटी क्रिकेट मैदानमा भइरहेको छ।

त्रिकोणात्मक सिरिजमा नेपाल, क्यानडा र ओमान छन् । त्रिकोणात्मक ओडिआई सिरिज आज देखि असोज १० सम्म हुनेछ। आजको खेलमा नेपालले आरिफ शेख,अनिल शाह, र अर्जुन साउदलाई बेन्चमा राखेको छ ।

सिरिजमा नेपालले दोस्रो खेल असोज २ गते ओमानसँग खेल्नेछ । तेस्रो खेलमा असोज ६ गते क्यानडाको सामना गर्दा असोज ८ गते ओमानविरुद्ध रहेको छ ।

ओडिआई सिरिज सकिएको २ दिन पछि सोहि टोलीबीचमा टि ट्वान्टी आई सिरिज हुनेछ ।

नेपालको प्लेईङ ११

कुशल भुर्तेल, आसिफ शेख, भीम सार्की, रोहित पौडेल(कप्तान), दीपेन्द्रसिंह ऐरी, कुशल मल्ल, गुलसन झा, सोमपाल कामी, करण केसी, सन्दीप लामिछाने र ललितनारायण राजवंशी