काठमाडौँ ।  साता कारोबारको अन्तिम दिन बिहीबार शेयर कारोबार मापक नेप्से परिसूचक उकालो लागेको छ । 

नेप्से परिसूचक आज २९ दशमलव २१ अंकले उकालो लागेर २ हजार २ सय ४ दशमलव ६१ मा पुगेको छ ।  ठूला कम्पनीको शेयर कारोबार मापन गर्ने सेन्सेटिभ परिसूचक ५ दशमलव ९० अङ्कले उकालो लागेर ३ सय ९१ दशमलव ६६ मा पुगेको छ । नेप्सेका अनुसार कूल २ करोड दुई लाख ३७ हजार ७ सय ८० कित्ता शेयर, ७ अर्ब ८  करोड  ६  लाख ९८ हजार १ सय ४६ रुपैयाँमा कारोबार भएको छ । 

बलेफी हाइड्रोपावर नौ दशमलव ९९, सिटिजन सुपर ३० म्युचुअल फण्ड ९ दशमलव ९७, एनआइबिएल स्टेबल फण्ड ९  दशमलव ८३, जानकी फाइनान्स ८  दशमलव ७६ र सिटिजन म्युचुअल फण्ड दोस्रोका लगानीकर्ताले ७  दशमलव ८२ प्रतिशतले कमाएका छन् । 

समाज लघुवित्त  ४ दशमलव ५९, साधना लघुवित्त  ४ दशमलव ५६, एनएमबी–५०, ४ दशमलव १३, सेञ्चुरी डिबेञ्चर ३  दशमलव ९१ र गुडबिल फाइनान्सका लगानीकर्ताले ३ दशमलव ८२ प्रतिशतले गुमाएका छन् ।