काठमाडौँ ।  सुशीला कार्की नेतृत्वको सरकारमा मन्त्री ११ जना मात्रै हुने भएका छन् । अन्तरिम सरकारको प्रधानमन्त्री  कार्कीले आफू नेतृत्वको मन्त्रिमण्डल बढीमा ११ सदस्यीय हुने जानकारी गराउनुभएको छ । 

एक दशकअघि खिलराज रेग्मी नेतृत्वको  चुनावी सरकारमा मन्त्रिमण्डल ११ सदस्यीय बनाइएको थियो । प्रधानमन्त्री  कार्कीलेले पनि त्यही मोडल अनुसारको मन्त्रिमण्डल बनाउन लाग्नुभएको हो । 

प्रधानमन्त्री  कार्कीलेले  बीबीसी नेपाली सेवासँग कुराकानी गर्दै  वर्तमान सरकारमा मन्त्रीहरूको सङ्ख्या ११ भन्दा बढी नहुने बताउनुभएको छ ।  ‘मन्त्रीहरू पनि कुनै राजनीतिक दल निकटका हुँदैनन्‌, गैरराजनीतिक र कुनै संस्थामा काम गरेकालाई ल्याउँछौँ, त्यस्ता व्यक्ति खोजिरहेका छौँ, चुनाव नलड्ने व्यक्तिलाई मात्रै मन्त्री बनाउँछौँ’, कार्कीले भन्नुभएको छ , 

कार्की नेतृत्वको मन्त्रिपरिषद्‌मा यसअघि तीन जनाले कार्यभार सम्हालिसकेका छन्‌ । अर्थमन्त्रीमा रामेश्वर खनाल, गृहमन्त्रीमा ओमप्रकाश अर्याल र ऊर्जा, भौतिक पूर्वाधार र शहरी विकास मन्त्रीमा कुलमान घिसिङ नियुक्त हुनुभएको  छ । प्रधानमन्त्री  कार्कीले सम्बन्धित क्षेत्रका व्यक्तिहरु समेटेर मन्त्री थप्ने योजना बनाउनुभएको छ ।