काठमाडौँ ।  नेपाल स्टक एक्सचेञ्ज (नेप्से) परिसूचक २३ दशमलव २५ अंकले बढेको छ ।  नेप्से परिसूचक बुधबार एक दशमलव ०८ प्रतिशतले बढेर २ हजार १ सय ७५ दशमलव ४० को बिन्दुमा कायम भएको हो ।

आज  ३  सय २२ कम्पनीको एक करोड ५२ लाख ९६ हजार ७ सय ३९ कित्ता शेयर,  ७२ हजार  ७ सय १४ पटक खरिदबिक्री हुँदा ५ अर्ब ७४ करोड ४० लाख ८३ हजार रुपैयाँ  बराबरको कारोबार भएको छ । विकास बैंक समूह शून्य दशमलव २९ प्रतिशतले घटेको छ । अरु सबै समूहको उपसूचक बढेको छ । सबैभन्दा धेरै बैकिङ समूह एक दशमलव ६९ प्रतिशतले बढेको छ ।

आजको कारोबारमा १० दशमलव २५ प्रतिशत एसबिएल डिबेञ्चर–२०८३ को शेयर मूल्यमा सकारात्मक सर्किट लागेको छ भने बुद्धभूमि नेपाल हाईड्रोपावर कम्पनी लिमिटेडको शेयर मूल्यमा नकारात्मक सर्किट लागेको छ ।

आज सबैभन्दा धेरै हाथवे इन्भेस्टमेन्ट नेपाल लिमिटेडको १५ करोड ८ लाख ९९ हजार ८ सय ५९ रुपैयाँ बराबरको शेयर कारोबार भएको छ । सङ्ख्याका आधारमा भने लक्ष्मी उन्नति कोषको १०  लाख ७ हजार  ३ सय ५० कित्ता शेयर किनबेच भएको छ ।