काठमाडौँ ।  नेपाल स्टक एक्सचेञ्ज (नेप्से) परिसूचक १५ दशमलव ७९ अंकले बढेको छ । 

मंगलबार  परिसूचक शून्य दशमलव ७३ प्रतिशतले बढेर २ हजार  १ सय ५२ दशमलव १४ अंकमा पुगेको नेप्सेले जनाएको छ । आज विभिन्न ३ सय १६ कम्पनीका ११ लाख ६६ हजार १ हजार २  सय ८ कित्ता शेयर,  ५ अर्ब ५३ करोड ५९ लाख ५८ हजार  ८ सय ८५ रुपैयाँमा कारोबार भएको छ ।

आजको कारोबारमा गणपति लघुवित्त वित्तीय संस्था र आत्मनिर्भर लघुवित्त वित्तीय संस्थाको शेयर मूल्यमा सकारात्मक सर्किट लागेको छ ।  बुद्धभूमि नेपाल हाइड्रोपावर कम्पनीको शेयर मूल्य ९ दशमलव ९१, युनिक नेपाल लघुवित्त वित्तीय संस्थाको नौ दशमलव ७९ र सबैको लघुवित्त वित्तीय संस्थाको शेयर मूल्य ९  दशमलव १५ प्रतिशतले बढेको छ ।

सिद्धार्थ इन्भेष्टमेन्ट ग्रोथ स्किम–२को शेयर मूल्य ५  दशमलव ४७, नेपाल फाइनान्सको ४  प्रतिशत, बोटलर्स नेपाल (बालाजु) को शेयर मूल्य ३ दशमलव ९० प्रतिशतले घटेको छ ।