काठमाडौँ ।  नेपाल स्टक एक्सचेञ्ज (नेप्से) परिसूचक १८ दशमलव ७६ अंकले घटेको छ । नेप्से परिसूचक मंगलबार शून्य दशमलव ८९ प्रतिशतले घटेर २ हजार ७६ दशमलव ४९ को बिन्दुमा कायम भएको छ।
    
परिसूचकसँगै कारोबार रकम पनि खुम्चिएको छ । आज ३ सय १८ कम्पनीका ९५ लाख ४४ हजार ७ सय ३४ कित्ता शेयर, ५८ हजार १ सय १९ पटक खरिदबिक्री हुँदा ४ अर्ब  ५ करोड ५७ लाख ३७ हजार ८ सय ८४ रुपैयाँ बराबरको कारोबार भएको छ ।

आजको कारोबारमा सबै समूहको उपसूचक रातो देखिएको छ । बैंकिङ एक दशमलव १६, विकास बैंक शून्य दशमलव ८७, वित्त एक दशमलव शून्य चार, होटल तथा पर्यटन शून्य दशमलव ७२, जलविद्युत् शून्य दशमलव ८७ र लगानी समूहको उपसूचक शून्य दशमलव ८२ प्रतिशतले घटेको छ ।

जीवन बीमा समूह शून्य दशमलव ९८, उत्पादन तथा प्रशोधन समूह शून्य दशमलव ५२, लघुवित्त शून्य दशमलव ६४ र म्युचुअल फन्ड शून्य दशमलव ७२ प्रतिशतले घटेको छ । निर्जीवन बीमा शून्य दशमलव ८३, व्यापार शून्य दशमलव ६३ र अन्य समूह शून्य दशमलव ७७ प्रतिशतले घटेको छ ।

आज समाज लघुवित्त वित्तीय संस्था लिमिटेडको शेयर मूल्यमा सकारात्मक सर्किट लाग्दा मनकामना स्मार्ट लघुवित्त वित्तीय संस्था लिमिटेड र कुथेली बुखारी स्मल हाइड्रोपावर लिमिटेडको शेयर मूल्यमा भने नकारात्मक सर्किट लागेको छ ।
    
कारोबार रकम र कारोबार भएका शेयर  सङ्ख्याका आधारमा आज सबैभन्दा धेरै बरुण हाइड्रोपावर कम्पनी लिमिटेडको  ११ करोड २७ लाख ९८ हजार ७ सय ८२ रुपैयाँ बराबरका ३ लाख ६२ हजार १ सय २४ कित्ता शेयर किनबेच भएका छन् ।