काठमाडौँ । सरकारको नीति तथा कार्यक्रम सार्वजनिक गरिएको भोलि पल्टै नेपाल स्टक एक्सचेञ्ज (नेप्से) परिसूचक घटेको छ । 

नेप्से परिसूचक बुधबार ९ दशमलव ५४ अंकले घटेको हो ।  परिसूचक शून्य दशमलव ४७ प्रतिशतले घटेर २ हजार १७ दशमलव ९७ को बिन्दुमा अडिएको छ । 

आज ३ सय १५ कम्पनीको ८४ लाख ९० हजार ७ सय २२ कित्ता शेयर, ५५ हजार ८ सय ६२ पटक खरिदबिक्री हुँदा ३ अर्ब ७० करोड ८४ लाख ३० हजार ५५ रुपैयाँ बराबरको कारोबार भएको छ ।

उत्पादन तथा प्रशोधन समूह एक दशमलव ४०, म्युचुअल फण्ड एक दशमलव १७ र व्यापार समूह एक दशमलव १६ प्रतिशतले बढेको छ । रु सबै समूहका उपसूचक घटेको छ । सबैभन्दा धेरै  जलविद्युत् र होटल तथा पर्यटन समूह शून्य दशमलव ८० र अन्य समूह शून्य दशमलव ९४ प्रतिशतले घटेको छ ।

उपकार लघुवित्त वित्तीय संस्था लिमिटेड र युनिक नेपाल लघुवित्त वित्तीय संस्था लिमिटेडको शेयर मूल्यमा सकारात्मक सर्किट लागेको छ । गुँरास लघुवित्त वित्तीय संस्था लिमिटेडको शेयर मूल्यमा नकारात्मक सर्किट लागेको छ ।

रकमको आधारमा सबैभन्दा बढी पिपुल्प पावर लिमिटेडको ११ करोड ८९ लाख ९५ हजार ३ सय ६४ रुपैयाँँ बराबरको शेयर कारोबार भएको छ ।  शेयर सङ्ख्याका आधारमा भने साङ्ग्रीला डेभलपमेन्ट बैंक लिमिटेडको सबैभन्दा बढी २  लाख ४१ हजार ८ सय ९७ कित्ता शेयर किनबेच भएको छ ।