नेपालकैरन
प्रकाश बराल ‘आँशु’
कालिकोट । आजदेखि शुरु भएको कक्षा १२ को परीक्षामा अर्काको सट्टा परीक्षा दिदै गरेका दुईजना नक्कली परीक्षार्थीलाई प्रहरीले पक्राउ गरेको छ । जिल्लाको पञ्चदेव परीक्षा केन्द्रमा परीक्षा दिदै गरेको अबस्थामा प्रहरीले नक्कली परीक्षार्थी पक्राउ गरेको हो ।
कक्षा ९ र १० मा अध्ययन गर्ने दुईजनाले अर्काको सट्टा परीक्षा दिइरहेको अवस्थामा पक्राउ गरिएको जिल्ला प्रहरी कार्यालय कालीकोटका प्रमुख डिएसपी अर्जुन केसीले जानकारी दिनुभयो । सट्टा परीक्षा दिने नक्कली परीक्षार्थीको परिचया भने प्रहरीले गोप्य राखेको छ ।
जिल्लाको खाँडाचक्र नगरपालिका ३ स्थित जनजीवन माध्यमिक विद्यालयबाट फाराम भरेका वर्ष ४१ का भानुप्रसाद पाण्डेको सट्टामा कक्षा १२ को अंग्रेजी विषयको परीक्षा दिँदै गरेका एक नाबालक र वर्ष २० का किसान शाहीको सट्टामा परीक्षा दिँदै गरेका अर्का नाबालक गरी दुईजना सट्टाका परीक्षार्थीलाई पक्राउ गरेको प्रहरीले जनाएको छ ।
शिक्षा विकास तथा समन्वय ईकाइ कालीकोटका प्रमुख प्रकाशचन्द्र धितालले शिक्षा ऐन २०२८ मा १ लाख रुपैयाँ जरिवाना र ६ महिना कैद वा दुवै सजाय हुने व्यवस्था रहेकाले सोहीअनुसार कारवाही हुने बताउनु भयो । समन्वय समितिका अध्यक्ष प्रमुख जिल्ला अधिकारी गणेश नेपालीले नाबालकलाई सट्टा परीक्षा दिन लगाउनेलाई पनि कानुनअनुसार कारवाही हुने बताउनुभयो।
स्रोतका अनुसार केन्द्राध्यक्ष र निरीक्षकले सट्टाका परीक्षार्थीले परीक्षा दिइरहेको सूचना प्रहरीलाई गराएपछि सट्टाका परीक्षार्थी प्रहरी फन्दामा परेका हुन्।
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- छानबिन गर्ने विशेष समितिका सदस्यहरुको नाम टुंगियो
- ‘फरार’ जसपा नेता यादव फेसबुक लाइभमा, भन्छन्-‘म भागेको हैन’
- शिक्षा समितिमा घिमिरे र शर्माबीच भनाभन, सभापतिको हस्तक्षेप
- ‘अन्तरजातीय विवाहले निम्त्याएको सामूहिक हत्या’
- आज कोशी र बागमती प्रदेशका एकदुई स्थानमा भारी वर्षाको सम्भावना
- भोजपुरमा ज्वाइँद्वारा ससुरालीको सामूहिक हत्या
- जसपा मधेश प्रदेश अध्यक्ष अशोक यादवविरुद्ध पक्राउ पुर्जी जारी
- ठेक्कामा मिलेमतो गर्ने गाउँपालिका अध्यक्षसहित नौ जनाविरुद्ध भ्रष्टाचार मुद्दा
- निजामती सेवा विधेयक राष्ट्रिय सभामा लुकाउन खोजिएको छः सांसद भुसाल
- नागरिक उन्मुक्ति पार्टी सत्ताबाट अलग, प्रतिपक्षको भूमिकामा रहने निर्णय