नेपालकैरन
तनहुँ । व्यास नगरपालिकाको गौरवको आयोजनामा रहेको पराशर मार्गमा पक्की नालासहित कालोपत्र गर्न शुरु भएको छ ।
आयोजना निर्माणका लागि बिकेएचटिडिसिएल–एसिपिएल जेभी काठमाडौँले टेण्डर प्रक्रिया पूरा गरी निर्माण थालिएको हो । पराशर मार्गअन्तर्गत पर्ने (बुल्दीखोला, घाँसीकुवा बेल्टारी, अधँधेरी भञ्ज्याङ, पोख्रेलफाँट, कुमाल गाउँ, समता विद्यालय, नराङ हुँदै कलेस्ती १० किलोमिटर कालोपत्र गरिनेछ ।
विश्व बैंकको अनुदान सहयोगमा व्यास–७, ९, १० र ११ गरी चार वडालाई जोड्ने गरी चक्रपथ निर्माण हुन लागेको नगरपालिकाका योजना शाखा अधिकृत भेषराज तिवारीले जानकारी दिनुभएको छ ।
मूल्य अभिवृद्धि कर (भ्याट) सहित ४० करोड ८० लाख रुपैयाँमा निर्माण कम्पनीले ठेक्का पाएको छ । विसं २०८२ असारसम्ममा आयोजना सम्पन्न गर्ने योजना रहेको नगरपालिका कार्यालयले जनाएको छ । योजनाबाट बाँकी रहेको करिब २२ करोड रुपैयाँ अर्को प्राथमिकताको योजनामा लगानी गर्न सहरी विकास मन्त्रालयमा अनुरोध गर्ने कार्यपालिका बैठकले निर्णय गरेको व्यास नगरपालिकाका प्रमुख बैकुण्ठ न्यौपानेले जानकारी दिनुभएको छ ।
पराशर मार्ग, छाब्दी केशवटार र माहिन्द्री मार्ग गरी तीन वटा मार्गका लागि प्रस्ताव पेश गरेकामा आयोजना छनोटमा परेको हो । उहाँका अनुसार बैंकले नगरपालिकाभित्र विभिन्न अध्ययन तथा अवलोकन पश्चात् आयोजना छनोट गरेको हो ।
छनोट पश्चात् शहरी विकास मन्त्रालयले बजेटका लागि विश्व बैंकसँग सम्झौता गरेपछि नगरपालिकाले बोलपत्र आह्वान गरी टेण्डर प्रक्रियाअघि बढाएको थियो ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- जापानका विदेशमन्त्री योको स्वदेश फिर्ता
- गण्डकीका मुख्यमन्त्री अधिकारीले पाए विश्वासको मत
- राष्ट्रपति र जापानका विदेशमन्त्री भेटवार्ता: हिमाल जोगाउनेबारे छलफल
- प्रधानमन्त्री–जापानका विदेशमन्त्री भेटवार्ता :आर्थिक सहकार्यबारे छलफल
- जसपा विभाजनको संघारमा, राईसहित ७ सांसदले दिए दर्ताको निवेदन
- जापानले नेपाललाई गर्दै आएको सहयोग अझै फराकिलो बनाउने
- बढ्यो डेङ्गु सङ्क्रमण बागमतीमा ११ हजारलाई लाग्यो
- जापानका विदेशमन्त्रीद्वारा वसन्तपुर क्षेत्र अवलोकन
- ललितपुरको बाफलमा आगलागी, ५ जना घाइते
- सरकार नागरिकको स्वास्थ्यप्रति संवेदनशील छ : प्रधानमन्त्री