दाङ । सल्यानमा बुधबार भएको बस दुर्घटनामा परी घाइते भएका एकजनाको मृत्यु भएको छ । 

दुर्घटनाका घाइते भएका तुलसीपुर उपमहानगरपालिका–४ निवासी ४६ वर्षीय विकको मृत्यु भएको हो । विकको राप्ती प्रादेशिक अस्पताल, तुलसीपुरमा उपचारका क्रममा बुधबार राति मृत्यु भएको प्रहरी जनाएको छ । 

दाङबाट पूर्वीरुकुममतर्फ जाँदै गरेको रा १ ख २०८५ नम्बरको यात्रुवाहक बस सल्यान बाघचौर नगरपालिका–२ ठिनबाङ्ग खोलाको पुलबाट खसेको थियो । विक दुर्घटनाग्रस्त बसका बसधनी हुनुहुन्थ्यो ।

बस दुर्घटनामा २२ जना घाइते भएका थिए । तीमध्ये गम्भीर घाइते चारलाई कोहलपुर अस्पताल पठाइएको थियो । अरु घाइतेको दाङमा उपचार भइरहेको छ । दुर्घटनामा परी गम्भीर घाइते रहेका तीनजना यात्रुको हाल शिक्षण अस्पताल कोहलपुरमा उपचार भइरहेको छ । सामान्य घाइते भएका अधिकांश उपचारपछि घर फर्किसकेका छन् ।