नेपालकैरन
काठमाडौँ । नेपाल कम्युनिष्ट पार्टी (माओवादी) को नाममा डर, त्रास तथा धम्की दिएर ५० लाख रुपैयाँ माग्ने २ जना पक्राउ परेका छन् ।
माओवादीको नाममा डर, त्रास तथा धम्की दिएर उल्लेखित रकम मागेको आरोपमा प्रहरीले कैलाली टीकापुर नगरपालिका–१ बस्ने ३६ बर्षीय हृदयराज बोगटी उपनाम विश्वजित बटला तथा नुवाकोट ककनी नगरपालिका–३ बस्ने ३६ वर्षीय नरहरि ढुङगाना उपनाम रमेशलाई पक्राउ गरेको हो ।
उनीहरुलाई काठमाडौँ उपत्यका अपराध अनुसन्धान कार्यालयको प्रहरी टोलीले पक्राउ गरेको हो । उनीहरुलाई काठमाडौंको चन्द्रगिरी नगरपालिका–९ मच्छेगाउँबाट मंगलबार पक्राउ गरिएको अनुसन्धान कार्यालय प्रवक्ता तथा प्रहरी उपरीक्षक रवीन्द्र रेग्मीले जानकारी दिनुभएको छ । मोटरसाइकल र माओवादीको चन्दा रसिदसहित पक्राउ परेका उनीहरुलाई प्रहरीले बुधबार सार्वजनिक गरेको छ ।
‘केही व्यक्तिले योजनावद्ध तरिकाले पीडितलाई पटक–पटक फोनमार्फत तथा प्रत्यक्ष भेट गरी डर, धम्की तथा त्रास देखाई ५० लाख रुपैयाँ माग गरेको भन्ने गोप्य सूचनाका आधारमा हाम्रो कार्यालयबाट खटिएको विशेष अनुसन्धान टोलीले चन्द्रगिरि नगरपालिका–९ मच्छेगाउँबाट उनीहरुलाई पक्राउ गरेको हो’ प्रहरी उपरीक्षक रेग्मीले भन्नुभयो ।
प्रहरी उपरीक्षक रेग्मीका अनुसार प्रहरीले उनीहरुको साथ सु प प्र–०१००९ प ६६१० नम्बरको मोटरसाइल, विभिन्न कम्पनीका मोबाइल चार थान तथा नेपाल कम्युनिष्ट पार्टी (माओवादी) को सहयोग रसिद एक ठेली बरामद गरेको गरेको छ ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- पार्टीको सदस्यता त्याग्न शिक्षकहरूलाई पूर्व शिक्षामन्त्री सुमनाको आग्रह
- लिङ्देनको अभिव्यक्ति रेकर्डबाट हटाउन कांग्रेसको माग
- कांग्रेसका महामन्त्री थापाविरुद्ध अदालतको अवहेलना मुद्दा दर्ता
- आन्दोलनमा सरकारले घुसपैठ गरायो : महासंघ
- मेरो बेडरुमसम्म बिचौलियाको पहुँच छ भन्नेहरुले प्रमाणित गर्न सक्छन् ? : प्रधानमन्त्री
- सप्तरीमा बस दुर्घटना, २ जनाको मृत्यु
- आवासीय चिकित्सकद्वारा सबै अस्पतालका ओपिडी सेवा ठप्प
- आमाको मृत्यु, शल्यक्रिया गरेर निकालिएको शिशुको अवस्था सामान्य
- सात दिनभित्र दर्ता नभए मेटालाई नेपालमा प्रतिबन्ध
- सरकार परिवर्तनका हल्ला मनोरञ्जनका लागि मात्रै : परराष्ट्रमन्त्री राणा