काठमाडौँ । काठमाडौँको नागार्जुन नगरपालिकास्थित सितापाइलामा एक पुरुषले श्रीमती र दुई छोरीको हत्या गरी आफूले पनि आत्महत्या  गरेका छन् । 

नागार्जुन नगरपालिका ६ बैराग टोलमा बस्दै आएका राजु घिमिरे (सुनार)ले श्रीमति ३८ वर्षीया ईश्वरी श्रेष्ठ, र छोरीहरु ८ वर्षकी अनिशा श्रेष्ठ तथा  साढे २ वर्षकी सिवानी श्रेष्ठको हत्यापछि आत्म हत्या गरेका हुन् । सोलखुम्बुको दूधकुण्ड घर भई  सीतापाइलामा बस्दै आएका राजु नागार्जुन जंगलमा झुण्डिएको अवस्थामा फेला परेको प्रहरीले जनाएको छ । 

परिवारका सदस्यहरुको हत्यापछि उनले आत्महत्या गरेको हुनसक्ने प्रहरीको आशंका छ । घटनाबारे विशेष तवरले अनुसन्धान भइरहेको काठमाडौं प्रहरी परिसरका एसएसपी भुपेन्द्र खत्रीले जानकारी दिनुभएको छ।

स्थानीयका अनुसार सितापाइलामा डेरा गरी बस्ने उनीहरु दैनिक ज्यालादारीमा गुजारा चलाउने आएका थिए ।