काठमाडौँ । नाइजेरियामा ३ सय ७ जना अपहरणकारी पक्राउ परेका छन् । 

नाइजेरियाली प्रहरीले राजधानी अबुजाका विभिन्न ठाउँमा गरेको पछिल्लो छापामार कारबाहीका क्रममा  ३ सय ७ जना संदिग्ध अपहरणकारीलाई पक्राउ गरिएको जनाएको छ । 

संघीय राजधानी क्षेत्रका प्रहरी प्रमुख बेनेथ इग्वेहले पत्रकार सम्मेलनमा दिएको जनाकारी अनुसार  खोजतलास अबुजाको देई(देई(जुबा अक्षको क्षेत्र गिदान डाम्बेमा गरिएको थियो । त्यस क्षेत्रमा छिमेकी नाइजरबाट शंकास्पद रूपमा अपहरणकारीहरूको बसोबास रहेको बताइएको छ।

त्यस क्षेत्रमा छापा मार्दा २९३ पुरुष र १४ महिला संदिग्ध अपरहणकारीहरूलाई पक्राउ गरिएको, इग्वेहले  बताउँनु भएको छ। संदिग्धबाट हातहतियार र अन्य खरखजाना बरामद भएको बताइएको छ ।

प्रहरीले छापा मार्दा उनीहरूको साथबाट अवैध लागुऔषध तथा आपराधिक कार्यमा प्रयोग हुने मोटरसाइकल समेत फेला परेको छ। संदिग्ध व्यक्तिहरूमाथि अनुसन्धान भइरहेको प्रहरीले जनाएको छ ।