काठमाडौँ  । सांसदहरुको अब विद्युतीय हाजिर गरिने  भएको छ ।  प्राय बैठक छल्ने सांसदहरुलाई विद्युतीय हाजिरले संसदमा अड्यान मद्धत पुर्याउने भएको छ । 

प्रतिनिधिसभाले १५ फागुनसम्मको क्यालेन्डर स्वीकृत गरेको छ । कार्यव्यवस्था परामर्श समितिको सोमबारको बैठकले सोमबारदेखि १५ फागुनसम्म बैठक बस्ने दिन र त्यस दिन संसदमा छलफल गरिने विषयसहितको क्यालेन्डर स्वीकृत गरेको हो ।

स्वीकृत क्यालेन्डर अनुसार माघ महिनामा २२ र २४ गते बैठक बस्नेछ । त्यसपछि फागुनमा ६ गते, १० गते, ११ गते, १३ गते र १४ गते बैठक बस्नेछ । कार्यव्यवस्था परामर्श समितिको बैठकले बैठक बस्ने दिनमा हुने छलफलको विषय समेत सार्वजनिक गरेको छ ।

सभामुख देवराज घिमिरेले संसदको यसै अधिवेशनबाट कार्यतालिका लागू हुने जानकारी दिनुभएको छ ।  सभमुखले सांसदहरुको विद्युतीय हाजिर गरिने र वेबसाइटमार्फत विवरण सार्वजनिक गरिने समेत बताउनुभयो ।  ‘गएको एक वर्षमा एउटा मात्रै विधेयक पारित भएको विषयलाई प्रश्नहरु उठेका छन्’ उहाँले भन्नुभयो – आगामी अधिवेशन ती सबै प्रश्नको समेत जवाफ दिने गरी परिणाममुखी बनाउन अपिल गर्दछु ।’

कानुन, न्याय तथा संसदीय मामिलामन्त्री धनराज गुरुङले धेरै गृहकार्य गरेर संसदीय कार्यतालिका लागू गर्ने अवस्थामा पुगेको बताउनुभयो  । बैठक बस्ने दिनका बारेमा हुने द्विविधा अन्त्य गर्न सहयोग पुग्नेछ’ उहाँले भन्नुभयो ।