काठमाडौँ । साता कारोबारको पहिलो दिन नेपाल स्टक एक्सचेञ्ज (नेप्से) परिसूचक घटेको छ । नेप्से परिसूचक आइतबार ५ दशमलव ३१ अंकले घटेर २ हजार ६१ दशमलव ७० को बिन्दुमा अडिएको छ । 

आइतबार विभिन्न कम्पनीका ३ सय ७ कम्पनीको ९२ लाख ७२ हजार ७ सय ८२ कित्ता शेयर,  ७० हजार ७ सय ९० पटक खरिदबिक्री हु्ँदा ३ अर्ब २१ करोड ६७ लाख २७ हजार २ सय २१ रुपैयाँ बराबरको कारोबार भएको छ । 

विकास बैंक शून्य दशमलव ६६, वित्त समूह शून्य दशमलव ४०, लगानी समूह शून्य दशमलव ०९ र निर्जीवन बीमा समूहको उपसूचक शून्य दशमलव ५१ प्रतिशतले बढेको छ । अरु सबै समूहको उपसूचक घटेको छ । सबैभन्दा धेरै अन्य समूहको उपसूचक एक दशमलव ०४ र जीवन बीमा समूहको उपसूचक शून्य दशमलव ५४ प्रतिशतले घटेको छ ।

युनिक नेपाल लघुवित्त वित्तीय संस्था लिमिटेडको शेयर मूल्यमा सकारात्मक सर्किट लागेको छ । महिला लघुवित्त वित्तीय संस्था लिमिटेडको शेयर मूल्यमा ५ दशमलव ३७ प्रतिशतको गिरावट आएको छ ।

कारोबार रकमका आधारमा सबैभन्दा धेरै हिमालयन रिइन्स्योरेन्स लिमिटेडको  ३३ करोड ५८ लाख ३२ हजार ८ सय ९ रुपैयाँ बराबरको कारोबार भएको छ । कारोबार भएका शेयर सङ्ख्याका आधारमा भने सबैभन्दा धेरै नेपाल इन्फ्रास्ट्रक्चर बैंक लिमिटेडको ५ लाख २५ हजार ५८ कित्ता शेयर किनबेच भएको छ ।