काठमाडौँ । नेपाल स्टक एक्सचेञ्ज (नेप्से) परिसूचक नयाँ सालसँगै निरन्तर उकालो लागेको छ । नेप्से बिहीबार २६ दशमलव ४९ अंले बढेर २ हजार ७ सय २२ दशमलव ७३ को विन्दुमा कायम भएको छ । 

आज ३ सय ११ कम्पनीको २ करोड ३७ लाख ७३ हजार ७ सय ३१ कित्ता शेयर ९० हजार ५ सय ५५ पटक खरिदबिक्री हुँदा १० अर्ब ७९ करोड ७३ लाख ६३ हजार २ सय ८२ रुपैयाँ ३२ पैसा कारोबार भएको छ । 

साताको अन्तिम कारोबार दिन आज बजारसँगै कारोबार रकम पनि बढेको हो । आज १ सय ८७ कम्पनीको शेयर मूल्य बढ्दा ५९ कम्पनीको मूल्य घटेको छ । अघिल्लो दिन ७ अर्ब २६ करोड ५१ लाख २२ हजार २ सय ४१ बराबरको कारोबार भएको थियो । आज व्यापार शून्य दशमलव १५ प्रतिशतले घटेको छ । अन्य सबै समूहका परिसूचक बढेका छन् ।

आजको कारोबारमा नेपाल माइक्रो इन्सोरेन्स कम्पनीको शेयर मूल्यमा सकारात्मक सर्किट लागेको छ । आज एनआएसी एशिया डिवेन्चरको शेयर मूल्य सबैभन्दा बढी चार दशमलव ७९ प्रतिशतले घटेको छ ।