नेपालकैरन
काठमाडौँ । भारतको मथुरामा अनौठो घटना भएको छ । त्यसले चिकित्सकहरूलाई पनि अचम्मित बनाएको छ ।
पेट दुखाइबाट पीडित एक युवकले युट्युबको सहायता लिएर आफ्नै अपरेशन गरे । उनले सर्जरी गरेर ११ टाँका लगाए र त्यसपछि अस्पताल पुगे ।
वृन्दावनको सुनरख गाउँका ३२ वर्षीय राजा बाबू ठाकुरले लामो समयदेखि पेट दुखाइबाट ग्रसित थिए । उनले धेरैपटक चिकित्सकहरूसँग उपचार गराए पनि कुनै सुधार देखिएन । १८ वर्षअघि उनले अपेंडिक्सको अपरेशन गराएका थिए, त्यसयता पेट दुख्ने समस्या बारम्बार भइरहेको थियो ।
लगातार दुखाइ सहन नसकेपछि उनले आफैं अपरेशन गर्ने निर्णय गरे । उनले पहिले आफूलाई सुन्न पार्न इंजेक्सन लगाए र त्यसपछि सर्जिकल ब्लेडको सहायताले पेट चिरे । सुरुमा उनलाई पीडा महसुस भएन, तर केही समयपछि औषधिको असर सकिएपछि उनी असह्य पीडाले चिच्याउन थाले ।
परिवारका सदस्यहरूले उनको चिच्याहट सुनेर तुरुन्त अस्पताल लगे । चिकित्सकहरूले उनलाई गम्भीर अवस्थामा भर्ना गरे र उपचार सुरु गरेका छन् । चिकित्सकहरूका अनुसार उचित ज्ञानबिना यस्तो कदम चाल्नु ज्यानमारा हुन सक्छ ।
हाल राजा बाबूको अवस्था स्थिर रहेको छ । एजेन्सी
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- 'घुस डिल अडियो' प्रकरणमा माओवादीले माग्यो प्रधानमन्त्रीको जवाफ
- स्पेनमा मानव तस्करी प्रकरण : रास्वपाले माग्यो प्रधानमन्त्रीको जवाफ
- सामान्य प्रशासन मन्त्री गुप्ताको 'घुस अडियो'बारे संसदमा उठ्यो प्रश्न
- राजेन्द्र लिङ्देनविरुद्ध निर्वाचन आयोग पुगे नवराज सुवेदी
- रसुवाको बाढी प्रभावित क्षेत्रमा नेपाल र चीनको समन्वयमा पुनर्निर्माण शुरु
- आदिकवि भानुभक्तको २१२औं जन्मजयन्ती मनाइँदै
- कपिलवस्तुमा यात्रुबाहक बस दुर्घटना, २९ जना घाइते
- कञ्चनपुरमा छाउगोठमा सुतेकी महिलाको सर्पदंशबाट मृत्यु
- प्रधानमन्त्रीसँगै स्पेन गएकाहरु फर्किएनन् : सोबिता गौतम
- केन्द्रीय सुरक्षा समितिको बैठक बस्दै