काठमाडौँँ । सत्तारुढ दल नेकपा एकीकृत समाजवादीले रिक्त रहेको केन्द्रीय परिषद् सदस्य पूर्ति गर्ने भएको छ । 

एकीकृत समाजवादीको शुक्रबार बसेको केन्द्रीय सचिवालय बैठकले खाली रहेको केन्द्रीय परिषद् सदस्य मनोनयन गर्ने निर्णय गरेको छ। एकीकृत समाजवादीले माघ १४ देखि १५ सम्म  केन्द्रीय परिषद् बैठक तोकेको छ । सचिवालय बैठकले त्यस अगाडि परिषद् सदस्य मनोनयन गर्ने निर्णय गरेको हो।

एकीकृत समाजवादीले लुम्बिनी प्रदेश कमिटीका अध्यक्ष, पूर्वमन्त्री सोमप्रसाद पाण्डेलाई रुपन्देही इन्चार्जको जिम्मेवारी दिएको छ । गण्डकी प्रदेश कमिटीका अध्यक्ष रामजी शर्मालाई प्रदेश सहइन्चार्जको जिम्मेवारी तोकिएको एकीकृत समाजवादीले जनाएको छ । 

गण्डकी प्रदेश कमिटीका कार्यबाहक अध्यक्ष रहनुभएका श्रीनाथ बराललाई अध्यक्ष बनाएको छ । लुम्बिनी प्रदेश कमिटीका सचिव राजु  गुरुङको राजीनामा स्वीकृत गर्दै त्यो स्थानमा अशोक कोइरालालाई चयन गरिएको एकीकृत समाजवादीले जनाएको छ ।