धनुषा। मधेश प्रदेशबाट राष्ट्रियसभा सदस्यमा सत्तारुढ गठबन्धन उम्मेदवार आनन्दप्रसाद ढुंगाना र पूजा चौधरी निर्वाचित हुनुभएको छ । 

नेपाली कांग्रेसका ढुंगाना अन्य कोटा तर्फबाट ७ हजार ३ सय ७० मतभार ल्याएर  राष्ट्रियसभा सदस्य बन्नुभएको छ । ढुंगानाले प्रदेशसभा सदस्यका ६७ र पालिका पदाधिकारीहरुको २ सय १ मत पाउनुभएको हो । 

नेकपा एमालेका बिजेता झाले २ हजार ४ सय ८४ मतभार पाउनुभएको निर्वाचन आयोगले जनाएको छ ।  आयोगका अनुसार उहाँलाई प्रदेशसभाका २५ र पालिपाका पदाधिकारीको ६१ मत परेको छ ।

महिला कोटातर्फ सत्ता गठबन्धनका चौधरीले ७ हजार ९ सय २३ मतभार ल्याएर राष्ट्रियसभा सदस्य बन्नुभएको छ । उहाँले प्रदेशसभाका ७६ र पालिका पदाधिकारीहरुको २ सय ५ मत पाउनुभएको छ ।


एमालेकी उषा चौधरीले २हजार ४ सय ४६ मतभार प्राप्त गर्नुभएको आयोगले जानकारी गराएको छ ।  उहाँलाई प्रदेशसभातर्फ २५ र पालिका पदाधिकारीतर्फ ५९ मत परेको छ । 

राष्ट्रियसभा निर्वाचनमा प्रदेशसभा सदस्यको मतभार ५२ र स्थानीय पालिका पदाधिकारीको मतभार १९ हुने प्रावधान छ ।