मोरङ । राष्ट्रियसभा सदस्यको निर्वाचनमा कोशी प्रदेशमा भोट क्रस भएको खुलेको छ ।

राष्ट्रियसभा  निर्वाचनमा ९३ प्रदेशसभा सदस्यको मतगणना हुँदा नेकपा एमाले उम्मेदवार रुक्मिणी कोइरालाले ४९ मत पाउनुभएको छ । 

सत्ता गठबन्धन उम्मेदवार नेकपा माओवादी केन्द्रकी चम्पा कार्कीलाई ४४ मत प्राप्त भएको निर्वाचन आयोग स्रोतले जानकारी दिएको छ ।  राष्ट्रियसभा निर्वाचनमा तामेल गरेका एमाले र राप्रपाका गरी कोशी प्रदेशसभामा ४६ सांसद छन् । तर एमाले उम्मेदवारले ४९ मत पाएकाले उहाँले सत्ता गठबन्धन समेत मत पाउनुभएको रहस्य खुलेको हो । 


प्रदेशसभामा सत्ता गठबन्धनको ४७ मत रहेकामा माओवादी केन्द्रकी उम्मेदवार कार्कीले ४४ मत मात्र पाउनुभएको छ । राष्ट्रियसभा सदस्य निर्वाचनमा प्रदेशसभा सदस्यको मतभार ५३ छ । यस अनुसार एमाले उम्मेदवार कोइरालाले २ हजार ५ सय ९७ मतभार पाउनुभएको छ । माओवादी उम्मेदवार कार्कीले २ हजार ३ सय ३२ मतभार पाउनुभएको छ । 

स्थानीय तहका प्रमुख र उपप्रमुखको मत भने गन्न बाँकी नै छ ।