नेपालकैरन
काठमाडौँ । राष्ट्रियसभा निर्वाचनमा सुदूरपश्चिम र कोशी प्रदेशमा मतगणना शुरु भएको छ ।
सुदूरपश्चिममा राष्ट्रियसभा निर्वाचनको मत गन्न थालिएको सहायक निर्वाचन अधिकृत प्रेम भट्टले जानकारी दिनुभएको छ । ५३ प्रदेशसभा सदस्य रहेको सुदूरपश्चिममा एक जनाको निधन भएपछि अहिले ५२ जना छन् । उनीहरु सबैले मतदान गरेका छन् ।
स्थानीय तहका १७६ जनप्रतिनिधिमध्ये एक जनाको निधन भएको थियो । १७५ जनामध्ये धनगढी उपमहानगरपालिकाका मेयर गोपाल हमाल र भजनीका उपमेयर राजु तिरुवाले मतदान गरेनन् । राष्ट्रियसभाको ३ जना सदस्यको लागि सुदूरपश्चिमबाट ६ जना उम्मेदवार प्रतिस्पर्धामा छन् ।
कोशीमा पनि मत गन्न थालिएको छ । सहायक निर्वाचन अधिकृत हेमबहादुर बुढाथोकीले मतगणना भएको जानकारी दिनुभएको छ । मतपरिणाम दुई घन्टापछि आउने निर्वाचन अधिकृत बुढाथोकी बताउनुभयो ।
कोशीमा ३ जना स्थानीय तहका प्रतिनिधि बाहेक सबैले मतदान गरेका छन् ।
धरान उपमहानगरपालिकाका प्रमुख हर्क साम्पाङ, मोरङको ग्रामथान गाउँपालिकाका अध्यक्ष जयप्रकाश गच्छदारले भने मतदान गर्नुभएन । झापा गाउँपालिकाका अध्यक्ष जयनारायण शाह निलम्बित हुनुहुन्छ । उहाँलाई यसअघि नै भ्रष्टाचारको मुद्दा लागेको छ । प्रदेशसभामा रहेका ९३ जना नै प्रदेशसभा सांसदले मतदान गरेका छन् ।
कोशी प्रदेशमा अन्य १ जना र महिला १ जनाका लागि चार जना उम्मेदवार प्रतिस्र्धामा छन् । सत्ता गठबन्धनबाट नेपाली कांग्रेसका कृष्णप्रसाद सिटौला र माओवादीबाट चम्पा कार्की चुनावी मैदानमा हुनुहुन्छ । नेकपा एमाले–राप्रपा गठबन्धनबाट एमालेकी रुक्मिणी कोइराला र राप्रपाका उद्धव पौडेल चुनावी मैदानमा हुनुहुन्छ ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- इम्बोस्ड नम्बर प्लेट निर्णयविरुद्ध जागे नेपाली, आन्दोलन घोषणा
- प्रधानमन्त्री र भियतनामका उपराष्ट्रपतिबीच भेटवार्ता
- जसपाले दुई मन्त्रीलाई फिर्ता बोलायो, वीरेन्द्र र रञ्जुलाई पठाउने तयारी
- एमसीसी नेपालको हितमा छैन : पूर्वप्रधानमन्त्री खनाल
- वीरगञ्जमा हैजा फैलियो, विद्यालय २ दिनलाई बन्द
- नागरिकता विधेयक राष्ट्रियसभाबाट सर्वसम्मत पारित
- विद्या लक्षित ओलीको टिप्पणी– कसैको सदस्यता खोसेको छैन
- विद्यालय शिक्षा विधेयक प्रतिवेदन प्रतिनिधिसभामा पेश
- एकीकृत समाजवादीले भदौ ९ गते स्थापना दिवस मनाउने
- भारत - चीन सहमतिप्रति सांसदहरुले जनाए आपत्ति