काठमाडौँ । नेकपा एकीकृत समाजवादीले पूर्वउपपधनमन्त्री बामदेव गौतमलाई पार्टीमा भित्र्याएर तेस्रो वरियता र संगठन विभाग प्रमुख जिम्मेवारी दिने भएको छ । नेकपा एमाले परित्याग गरी पछिल्लो समय नेकपा एकता राष्ट्रिय अभियान  संचालन गर्र्दै आउनुभएका पूर्वउपपधनमन्त्री गौतम एकीकृत समाजवादीले विभिन्न चरणको छलफल गरिरहेको छ ।

एकीकृत समाजवादीको हालै सम्पन केन्द्रीय पदाधिकारी बैठकले  गौतमलाई पार्टीले ल्याउने निर्णय गरेको थियो । गौतमलाई समाजवादीले यसअघि पनि विभिन्न पटक उहाँसँग संवाद समेत गर्दै आएको थियो । तर गौतमलाई पार्टीमा ल्याएर कुन तहमा राख्ने र के जिम्मेवारी दिने ? भन्ने टुंगो नलाग्दा ठोस निर्णय हुन सकेको थिएन । समाजवादीले केही दिन अघि विभिन नृताहरुको जिम्मेवारी छिनो गरेपछि गौतमलाई पार्टीमा ल्याउन सहज भएको हो । 

कम्युनिष्ट पार्टीमा प्राय संगठन विभाग अत्यन्तै महत्वपूर्ण मानिन्छ । त्यही कारण  संगठन विभागको प्रमुखको जिम्मेवारी प्राय पार्टी महासचिवलाई दिने गरिन्छ । तर एकीकृत समाजवादीले यस पटक संगठन विभागको प्रमुख महासचिव घनश्याम भूसाललाई दिएर उपाध्यक्ष वेदुराम भुसाललाई बनाएको छ ।  स्रमेतका अनुसार अध्यक्ष माधवकुमार नेपालले  पूर्वउपपधनमन्त्री गौतमलाई पार्टीमा ल्याएर संगठन विभागको प्रमुख सुम्पने योजना अनुसार त्यो जिम्मेवारी महासचिव घनश्यामलाई नदिएर केही समयको लागि वेदुरामलाई दिइएको हो । 

अध्यक्ष नेपालले पार्टीको आन्तरिक किचलो व्यवस्थापन र विभिन्न विभाग टुंग्गाएर लगत्तै  पूर्वउपपधनमन्त्री गौतमलाई भित्र्याउन  छलफल अगाडि बढाउनु भएको छ । अध्यक्ष नेपाल गौतमलाई  बिहीबार साँंझ भैसेपार्टी पुग्नु भएको थियो ।  बिहीबारको छलफलमा उहाँहरुबीच गौतमलाई पार्टीमा तेस्रो वरियता र संगठन विभाग प्रमुख दिने भद्रसहमति भएको स्रोतले बताएको छ । 

पूर्वउपपधनमन्त्री गौतमले यसअघि एमालेमा विभिन्न नेताहरुको वरियता टुंग्याउने छलफलको शुरुमै ‘मेरो रोल नम्बर ४’ भन्दै पछिला आफूलाई चौथोै वरियतामा राख्न लगाउनु हुन्थ्थ्यो । पूर्वउपपधनमन्त्री गौतमले पहिलो आफ्नो स्थान तोकर अन्य  विभिन्न नेताहरुको वरियता समेत तोक्नु हुन्थ्यो । एमाले अध्यक्ष, वरिष्ठ नेता र महासचिव बाहेकका नेताहरुले गौतमले नै तोकेको वरियता स्वीकार्थे ।  यसअघि  प्राय चौथो वरियतामामा रहने गर्नुभएको नेता गौतम यसटक समाजवादीले तेस्रो वरियता दिने भएपछि गद्गद् हुनुभएको स्रोतको भनाई छ । 

स्रोतका अनुसार छलफलमा पूर्वउपपधनमन्त्री गौतमले आफू संगठनको प्रमुख भएर गोडाले साथ दिएसम्म मुलुकको विभिन्न स्थनमा गाडीबाट र हिडेर पुग्ने र संगठन बिस्तारमा लाग्ने प्रतिवद्धता जनाउनुभएको छ ।  ‘गोडाले साथ नदिए लठ्ठी टेकेरै भए पनि एकीकृत समाजवादीलाई बलियो बलाउने कार्यमा जुट्छु । एकीकृत समाजवादी बलियो भएपछि बल्ल फेरि कम्युनिष्ट एकताको प्रकृयाले गति लिन्छ’ छलफलमा पूर्वउपपधनमन्त्री गौतमले छलफलमा आफ्नो धारणा यसरी राख्नु भएको स्रोतको भनाई छ ।