काठमाडौँ ।  प्रधानमन्त्री केपी शर्मा ओली र नेपालका लागि संयुक्त अरब इमिरेट्स (युएई) का राजदूत अब्दुल्लाह अल शम्सीबीच भेटवार्ता भएको छ । भेटवार्तामा उहाँहरुबीच दुई देशबीचको आपसी सम्बन्धका साथै पारस्परिक हित र चासोका साझा विषयमा छलफल भएको प्रधानमन्त्रीको सचिवालयले जनाएको छ ।  

उहाँहरुबीच आज प्रधानमन्त्री निवासमा भेटवार्ता भएको हो । भेटवार्तामा राजदूत शम्सीले आगामी फेब्रुअरीको दोस्रो साता दुबईमा आयोजना हुने ‘वल्र्ड गभरमेन्ट्स समिट’ मा भाग लिन युएईका उपराष्ट्रपति एवं प्रधानमन्त्री मोहम्मद बिन रसिद अल माक्टुमले पठाउनुभएको निमन्त्रणापत्र प्रधानमन्त्रीलाई हस्तान्तरण गर्नुभएको छ ।

भेटवार्तामा उहाँहरुबीच दुई देशबीचको आपसी सम्बन्धका साथै पारस्परिक हित र चासोका साझा विषयमा छलफल भएको प्रधानमन्त्रीको सचिवालयले जनाएको छ ।   सचिवालयका अनुसार उहाँहरुबीच यसअघि भएका द्विपक्षीय सम्झौताको प्रभावकारी कार्यान्वयन र आगामी दिनमा व्यापार, लगानी, कृषि, जलविद्युत्, पर्यटन प्रवद्र्धनबारे पनि छलफल भएको छ ।