दाङ । दाङमा गाडी दुर्घटनामा २ जनाको मृत्यु भएको छ । पूर्व–पश्चिम राजमार्गअन्तर्गत लमही नगरपालिका–९ च्याउखोला बक्सकटिङ नजिकै आज बिहान लु १ ज ४२९८ नम्बरको विङ्गर गाडी दुर्घटना भएको हो । 

दुर्घटनामा २ जनाको मृत्यु भएको र १२ जना घाइते भएको जिल्ला प्रहरी  दाङले जनाएको छ । कपिलवस्तुको चद्रौटाबाट बर्दियातर्फ जाँदै गरेको गाडी आज बिहान दुर्घटनामा परेको हो । प्रहरीका अनुसार दुर्घटनामा  सिवराज नगरपालिका–३ का ४२ वर्षीया प्रिथी थारु र त्यही ठाउँका ६० वर्षीया फुलसी थारुको जीवन गुमेको छ । 

घाइतेको लमही अस्पतालमा उपचार भइरहेको जिल्ला प्रहरी कार्यालयका प्रवक्ता एवं प्रहरी नायव उपरीक्षक ईश्वर थापाले जानकारी दिनुभएको छ ।  प्रहरीका अनुसार गाडीमा १४ जना सवार रहेका थिए । तीव्र गतिका कारण गाडी दुर्घटनामा परेको हुनसक्ने प्रहरी नायव उपरीक्षक थापाले जानकारी दिनुभयो ।