काठमाडौँ । कोशीका पूर्वमन्त्री लिलाबल्लभ अधिकारीलाई मुद्दा नचलाउने निर्णय बदर माग गर्दै सर्वोच्च अदालतमा रिट परेको छ । वरिष्ठ अधिवक्ता दिनेश त्रिपाठीले पूर्वमन्त्री अधिकारीलाई मुद्दा नचलाउने निर्णय बदर माग्दै सर्वोच्चमा रिट निवेदन दर्ता गराउनु भएको हो । 

त्रिपाठीको रिटमा मुद्दा नचल्ने निर्णय बदर हुनुपर्ने र पूर्वमन्त्री अधिकारीमाथि फेरि अनुसन्धान गरी मुद्दा दायर गर्न निर्देशन दिनुपर्ने माग गगरिएको छ । पूर्वमन्त्री  अधिकारीलाई मुद्दा नचल्ने भनी गरेको निर्णय बदनियतपूर्ण भएकाले तत्काल बदर हुनुपर्ने त्रिपाठीकको माग छ । पूर्वमन्त्री अधिकारी े टोकियो महानगर र आर्ट काउन्सिल टोकियोले आयोजना गरेको  कार्यक्रममा सहभागी हुन कात्तिक ११ गते जापान उडेका थिए । 

अधिकारीसँगै जापान गएका खोटाङ केपिलासलगढी गाउँपालिका–४ का ४१ वर्षीय जनक राई,  ऐसेलुखर्क गाउँपालिका–२ का ३७ वर्षीय दावा शेर्पा र रसुवाको कालिका गाउँपालिका–५ का २१ वर्षीय कञ्चन देवकोटा नारितालाई विमानस्थलको अध्यागमनमा सोधपुछ गर्दा उनीहरु  असम्बन्धित रहेको पाइएपछि यसबारेमा मुद्दा चलाइएको हो ।